ތިނަދޫ ރޯހައުސްތަކަށް ކުރިމަތިލުމުގެ ފުރުސަތު މިއަދުން ފެށިގެން ހުޅުވާލައިފި
ލިޔުންތެރިޔާ
އަބްދުﷲ ހުސައިން
ގދ.ތިނަދޫގައި ތަރައްޤީކުރި ރޯހައުސްތަކަށް އެދި ކުރިލަތިލުމުގެ ފުރުސަތު މިއަދު ހުޅުވާލައިފިއެވެ.
ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ މިނިސްޓްރީން ބުނީ ތިނަދޫގައި ތަރައްޤީކޮށްފައިވާ 200 ރޯހައުސްއަށް ކުރިމަތިލުމުގެ ފުރުސަތު މިއަދުން ފެށިގެން ހުޅުވާލާފައިވާކަމަށެވެ. ތިނަދޫން ދޫކުރާ ރޯހައުސްތަކަށް ކުރިމަތިލުމުގެ ފުރުސަތު ހުޅުވާލާފައިވަނީ ހިޔާވަހި ޕޯޓަލް މެދުވެރިކޮށެވެ. ހައުސިން މިނިސްޓްރީން ބުނީ ހިޔާވަހި ޕޯޓަލް މެދުވެރިކޮށް ނޮވެމްބަރުމަހުގެ 7 ވަނަ ދުވަހުގެ ނިޔަލަށް ރޯހައުސްއަށް އެދި ހުށަހެޅޭނޭ ކަމަށެވެ.
ތިނަދޫ ރޯހައުސްތަކަކީ 2022 ވަނަ އަހަރުގެ އޮކްޓޯބަރު މަހު ސިއެރާ ކޮންސްޓްރަކްޝަން އާއި ސްޓަ ކޮންސްޓްރަކްޝަންގެ ޖޮއިންޓް ވެންޗާއާއި ހަވާލުކޮށްގެން ކުރިއަށްގެންދިޔަ މަޝްރޫޢުއެކެވެ. އެ ހައުސިން ޔުނިޓްތައް އަޅަން ސިއެރާ ކޮންސްޓްރަކްޝަން އާއި ސްޓަ ކޮންސްޓްރަކްޝަންގެ ޖޮއިންޓް ވެންޗާއާ ހަވާލުކޮށްފައިވަނީ 540 މިލިއަން ރުފިޔާގެ އަގަކަށެވެ.
ތިނަދޫ ކައުންސިލުން ވަނީ މީގެކުރިން އެ ހައުސިން ޔުނިޓްތަކަށް ކުރިމަތިލުމަށް ހުޅުވާލި ނަމަވެސް ހައުސިން މިނިސްޓްރީން ވަނީ އެންޑޯސްކުރުމަކާއި ނުލައި ކޮށްފައިވާ އިއުލާނެއް ކަމަށް ފާހަގަކޮށް އެ އިއުލާނު ބާތިލްކޮށްފައެވެ.
ތިނަދޫއިން ރޯހައުސްތައް ދޫކުރާ ބައެއް އުސޫލްތައް:
- އެއްމެދު އިމާރާތަކުން 600 އަކަފޫޓުގެ ނުވަތަ އެއަށްވުރެ ބޮޑު ތަނެއް ގަނެފައިވާ ނުވަތަ އެފަދަ ތަނެއް ގަތުމަށް އެއްބަސްވުމެއްގައި ސޮއިކޮށްފައިވާ ފަރާތަކަށް ނުވުން
- ރާއްޖޭގެ އެއްވެސް ތަނެއްގައި އަމިއްލަ އެވަރުގެ ގޯއްޗެއް ނުވަތަ ސަރުކާރުން ދޫކުރާ އެވަރުގެ ފްލެޓެއް ނުވަތަ އެނޫންވެސް ތަނެއް ނެތުން
މީގެ އިތުރުން ވަސިއްޔަތުން ލިބިފައިވާ ނުވަތަ ލިބެންޖެހޭ ބިމެއް ނެތުމާއި އެފަދައިން ލިބޭ ބިމެއް ދޫކޮށްލުމާއި، މަހަކަށް ޖެހޭ އާމްދަނީން 60،000 ހާސް ރުފިޔާއަށްވުރެ އިތުރަށް ލިބޭ ފަރާތެއް ކަމުގައި ނުވުން ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
