ފިތުނަފަސާދައާއި، ނަފުރަތު އުފެދޭ ފަދަ ލިއުންތައް ނުލިއުމަށް އެދެން- އެމްއެމްސީ
ފިތުނަފަސާދައާއި، ނަފުރަތު އުފެދޭ ފަދަ ލިއުންތައް ނުލިއުމަށް މޯލްޑިވްސް މީޑިއާ ކައުންސިލުން އިލްތިމާސްކޮށްފިއެވެ.
ފަހަަކަށް އައިސް ރާއްޖޭގެ ބައެއް އޮންލައިންތަކާއި، މީޑިއާ ތަކުގައި ޝާއިއުކުރާ ބައެއް ޚަބަރުތަކާއި، ރިޕޯޓްތަކާއި، އެ ނޫންވެސް ބައެއް ލިޔުންތަކުގައި އިސްލާމްދީނާއި، ދިވެހި މުޖުތަމައުގެ އާންމު އަޚްލާގީ މިންގަނޑާއި، ޚިލާފުލިއުންތަކާއި، ފިތުނަފަސާދައާއި، ނަފުރަތުގެ ޝުއޫރުތައް އުފެދެން މަގުފަހިވާފަދަ ލިޔުންތަށް ލިޔާކަން ފާހަގަކުރެވިފައިވާކަމަށެވެ. އޭގެ އިތުރުން ނޫސްވެރިކަމުގެ ހަމަތަކާއި ޚިލާފަށް ނުބައި މައުލޫމާތު ފެތުރޭފަދަ ލިޔުންތައް އިތުރުވެފައިވާކަމުގެ ޝަކުވާ އާންމުފަރާތް ތަކުން ހުށަހަޅާފައިވާކަމަށްެވެސް އެ ކައުންސިލުން ބުނެފައިވެއެވެ.
ކައުންސިލުން ބުނެފައިވަނީ އެފަދަ ކަންކަމަކީ އެ ކައުސިލާއި، ރާއްޖޭގެ މީޑިއާއިން ނަގަހައްޓަން މަސައްކަތްކުރަމުންދާ މިނިވަން ނޫސްވެރިކަމުގެ މިންގަނޑުން ބޭރު ކަންކަން ކަމަށްވެސް އެފަރާތުން ބުނެފައިވެއެވެ.
ނޫސްވެރިކަމާއި، ޚިޔާލުފާޅު ކުރުމުގެ މިނިވަންކަން ބޭނުންކުރަންޖެހޭނީ ވަކި މިންގަނޑެއްގެ ތެރެއިން ކަމަށާއި، އެއްވެސް ޒިންމާދާރުކަމެއް ނެތި ގާނޫނު އަސާސީން ލިބިދީފައިވާ މިނިވަންކަމުގެ ބޭރުން އެފަދަ ލިޔުންތައް ލިޔުމުގެ ނަތީޖާއަކަށް ވެގެންދާނީ ގައުމުގެ އަމާން ކަމާއި ސުލްހަމަސަލަސްކަން ގެއްލޭފަދަ ކަމަކަށް ކަމަށް އެކައުންސިލުން ބުނެފައިވެއެވެ.
އެހެންކަމުން ޒިންމާދާރުކަމާއި އެކު، ދީނާއި، ގައުމިއްޔަތު އިސްކުރައްވައިގެން މަސައްކަތްކުރުމަށް ހުރިހާ މީޑިއާތަކަށް މޯލްޑިވްސް މީޑިއާ ކައުންސިލުން ވަނީ އިލްތިމާސްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
