ހުޅުމާލެ ދެވަނަ ފިޔަވަހީގައި ހަދާފައިވާ ކިއޮސްކްތައް ކުއްޔަށް ދޫކުރަން ހުޅުވާލައިފި

ހުޅުމާލެ ދެވަނަ ފިޔަވަހީގައި ހަދާފައިވާ ކިއޮސްކްތައް ކުއްޔަށް ދޫކުރަން ހުޅުވާލައިފިއެވެ.

ހައުސިން ޑިވޮލަޕްމަންޓް ކޯޕަރޭޝަން (އެޗްޑީސީ)އިން ކުރި އިއުލާނެއްގައި ބުނީ، ހުޅުމާލޭ ދެވަނަ ފިޔަވަހީގައި ގާއިމް ކޮށްފައިވާ 20 ކިއޮސްކް ކުއްޔަށް ހިފުމަށް ޝައުގުވެރިވާ ފަރާތްތަކަށް އެ ފުރުސަތު ހުޅުވާލެވިފައިވާ ކަމަށެވެ.

ކިއޮސްކް ހިންގުމަށް ކުއްޔަށް ދޫކުރާނެ ފަރާތްތައް ކަނޑައަޅާނީ ފޯމު ހުށަހަޅާފަރާތްތަކުގެ މެދުގައި ގުރުއަތު ލައިގެން ކަމަށް އެ ކޯޕަރޭޝަނުން ބުނެއެވެ.

އެހެންކަމުން ޝައުގުވެރިވާ ފަރާތްތަކަށް ރަސްމީ ކޮންމެ ދުވަހަކު 25 އޮގަސްޓާއި 5 ސެޕްޓެމްބަރ އާއިދެމެދު 9:00 އާއި 14:00 ދެމެދު އެޗްޑީސީ ރިސެޕްޝަނުން ފޯމު ދުކުރާނެ ކަމަށާ، އެ ވަގުތު ތަކުގައި ފޯމު ހުށަހެޅޭނެ ކަމަށެވެ.

އަދި ފޯމު ހުށަހަޅާ ފަރާތްތަކުގެ މެދުގައި ގުރުނެގުން އޮންނާނީ 19 ސެޕްޓެމްބަރ ވާ ދުވަހު ހެނދުނު 10:00 ގައި ކަމަށްޗެސް އެ ކޯޕަރޭޝަނުން ބުނެފައިވެއެވެ.

އެޗްޑީސީން އިތުރަށް ބުނީ، ފޯމު ހުށަހެޅުމާއި ގުޅޭ އިތުރު މައުލޫމާތު، /https://www.hdc.mv ނުވަތަ https://properties.hdc.mv ލިބޭނެ ކަމަށެވެ. އަދި އެކޯޕަރޭޝަނުގެ ހޮޓްލައިން ނަންބަރު 1516 އިންވެސް އިތުރު މައުލޫމާތު ލިބޭނެ ކަމަށް ބުނެފައިވެއެވެ.