ރާއްޖޭގެ ޑިމޮކްރަޓިކް ނިޒާމު ފުރިހަމައެއްނޫން: ރައީސް މައުމޫން
ދިވެހިރާއްޖޭގައި މިހާރު އޮތް ޑިމޮކްރަޓިކް ނިޒާމު ފުރިހަމަ ނޫންކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އެމަނިކުފާނުގެ ތާއީދާއި އެކު މާއްދާ4 ޝިއާރުގެ ދަށުން ރައްޔިތުންގެ މަޖިލީހުގެ އިންތިޚާބުގައި ވާދަކުރައްވާ ކެންޑިޑޭޓުންނަށް ލިޔުން ހަވާލު ކުރުމަށް، ރޭ ދަރުބާާރުގޭގައި ބޭއްވި ޖަލްސާއެއްގައި ވާހަކަފުޅު ދައްކަވަމުންނެވެ.
ރައީސް މައުމޫން ވިދާޅުވީ ޤާނޫނު އަސާސީގެ 04 ވަނަ މާއްދާގައި އޮތީ ދިވެހި ދައުލަތުގެ އެންމެހާ ބާރުތައް ފެށިގެން އަންނަނީ ރައްޔިތުންގެ ކިބައިން ކަމަށާއި ބާރުތައް ދެމިއޮންނާނީވެސް ރައްޔިތުންގެ ކިބައިގައި ކަމަށެވެ.
އެމަނިކުފާނު ވިދާޅުވީ ޑިމޮކްރަސީގެ ޙަޤީޤީ މާނައާއި އެއީ ޖައުހަރަކީ އެއީ ކަމަށެވެ. ރައީސް މައުމޫން ވަނީ ރާއްޖޭގެ ޑިމޮކްޓިކް ނިޒާމަކީ އެންމެ ފުރިހަމަ ނިޒާމެއް ނޫންކަމަށް ވިދާޅުވެ، އެނިޒާމްގައި އުނި ކަންތައްތަކެއް އެބަހުރިކަމަށް ފާހަގަކުރައްވާފައެވެ.
"ވޭތުވެދިޔަ ދުވަސްތަކުގައި އުނި ކަންތައްތައް ފާހަގަ ކުރެވުނު. އަޅުގަނޑުމެން މިތިބީ އެނިކަންތައްތައް އިސްލާހު ކުރަން ނިކުމެ." ރައީސް މައުމޫން ވިދާޅުވިއެވެ.
ރައީސް މައުމޫން ރޭ އިތުރަށް ވިދާޅުވީ ކޯލިޝަން އެއްބަސްވުމުގެ ވާހަކަ މިހާރު ދެއްކުމުގެ ބޭނުމެއް ނެތްކަމަށާއި އެގޮތަކަށް އަމަލެއް ނުކުރެވުނުކަމަށެވެ.
"އެހެން ނަމަވެސް ދެން އެހާލަތަށް އައިމަ އަޅުގަނޑުމެން ދެން އެބަޖެހޭ ކުރިއަށް އޮތް ތާނގައިވެސް ނޭދެވޭ ކަންތައްތައް އިސްލާހުކޮށްގެން އެންމެން އެކީގަ މަސައްކަތް ކުރުމުގެ އަހުލާގު އަޅުގަނޑުމެންގެ ގައިގައި އަށަގަންނަވަން"، އެމަނިކުފާާނު ބަޔާންކުރެެއްވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
