ނިރޮޅުމަގު ގޯޅި 15 އާއި ކާނިމަގު ގުޅޭ ކަންމަތި މަރާމާތަށް ވަގުތީގޮތުން ބަންދުކުރަނީ

ހުޅުމާލޭގެ ފޭސް 1 އަދި ފޭސް 2 ގެ މަގުތައް ހަދައި މަރާމާތުކުރުމުގެ މަޝްރޫޢުގެ ދަށުން ނިރޮޅުމަގު ގޯޅި 15 އާއި ކާނިމަގު ގުޅޭ ކަންމަތި މަރާމާތުކުރުމަށް ބަންދުކުރުމަށް ނިންމައިފި އެވެ.

އެޗްޑީސީން ބުނީ ނިރޮޅުމަގު ގޯޅި 15 އާއި ކާނިމަގު ގުޅޭ ކަންމަތި ނޮވެމްބަރު 15 އިން 18 އަށް، ވަގުތީގޮތުން ބަންދުކުރެވޭނެ ކަމަށެވެ. މި ދުވަސްތަކުގައި މަސައްކަތް ކުރިއަށްދާނީ ކޮންމެ ދުވަހެއްގެ ހެނދުނު 08:00 އިން ރޭގަނޑު 22:00 އާ ހަމައަށެވެ.

މި މަސައްކަތްތަށް ކުރިއަށްދާއިރު، ކޮންމެވެސް ވަރަކަށް އަޑުގަދަވުމާއި، ރޯލަރުގެ ވައިބްރޭޝަން އިހުސާސްވުމާއި އަދި ކޮންމެވެސް ވަރަކަށް ހިރަފުސް އެރުން އެކަށީގެންވާ ކަމަށް ވެސް އެޗްޑީސީން ބުންޏެވެ.

އެހެން ކަމުން މި ސަރަޙައްދުގައި ވިޔަފާރިކުރާ ފަރާތްތަކުންނާއި އެ ސަރަޙައްދު ބޭނުންކުރާ ފަރާތްތަކުން މިކަންކަމަށް ސަމާލުވެ،ރައްކާތެރިކަމުގެ ފިޔަވަޅުތައް އެޅުއްވުމަށް އެ ކޯޕަރޭޝަނުން ވަނީ އިލްތިމާސް ކޮށްފަ އެވެ.

މި މަސައްކަތުގެ ސަބަބުން ދިމާވެދާނެ ދަތިތަކަށް އެ ކޯޕަރޭޝަނުން ވަނީ ނިހާޔަތަށް މަޢާފަށް އެދިފަ އެވެ. އަދި މުހިންމު އެ މަަސައްކަތަށް އާންމުންގެ ފަރާތުން ލިބެމުންދާ އެހީތެރިކަން ފާހަގަކޮށް ޝުކުރު އަދާކޮށްފައިވެ އެވެ.