ފަލަސްތީނާއެކު އޮތްކަން އަންގަމުން އަޔަލޭންޑުން އިސްރާއީލް ބަލިކޮށް ކުރިއަށް

ޔުއެފާ ނޭޝަންސްލީގްގައި ރޭ އަޔަލޭންޑާއި އިސްރާއީލް ބައްދަލުކުރިމެޗް އަޔަލޭންޑް ކާމިޔާބުކޮށްފިއެވެ.

ފޯރިގަދަ ކުޅުމެއް ފެނިގެންދިޔަ މިމެޗަށް ދަނޑަށް އެރިއިރު އަޔަލޭންޑް ކެޕްޓަން މެޗްގެ ރެފްރީންނާ ސަލާމްކުރިއިރު އޭނާ ވަނީ އިސްރާއީލް ކެޕްޓަނާ ސަލާންކުރަން ދެކޮޅުހަދާފައެވެ. އެގޮތުން އަޔަލެންޑްގެ ކެޕްޓަން ދާރާ އޯޝޭ އާއި އިޒްރޭލުގެ މެނޯ ސޮލޮމަންއާ ދެމެދުވެސް އެއްވެސް މުއާމަލާތެއް ހިނގާފައި ނުވާއިރު އަޔަލޭންޑު ޓީމުންވެސް އިސްރާއީލްގެ އެއްވެސް ކުޅުންތެރިއަކާ ސަލާމްކޮށްފައެއް ނުވެއެވެ.

މެޗްގައި އިސްރާއީލުން ގިނައިރު ބޯޅަ ގެންގުޅުނު ނަމަވެސް އިސްރާއީލަށް ލަނޑުޖަހަން ލިބުނު ފުރުސަތުތަކުގެ ބޭނުމެއް ނުކުރެވުނެވެ. އަދި މިމެޗްގައި އެޓީމްގެ ފަރާތުން ގިނަ ފައުލްތަކެއްވެސް ފެނިގެންދިޔައެވެ.

މެޗްގައި އަޔަލޭންޑަށް ގޯލްތައް ކާމިޔާބުކޮށްދިނީ ޓްރޯއީ ޕެރޮޓް، އެޑަމް އިޑާ އަދި ޖެކް މޮއިލަން އެވެ. މޮއިލަން އޭނާގެ ލަނޑު ފާހަގަކުރީ އަތުގައި އޮތް ކަޅު އަތްބޭންޑުގައި ބޮސްދީ، އެ އުފުލާލުމަށްފަހު ޖާޒީގައިވާ ލޯގޯއަށް ބޮސްދީގެންނެވެ.

އަޔަލޭންޑް މެޗްގައި އިސްރާއީލާ ދެކޮޅަށް ދަނޑު މަތީގައި ކަންތައްތަކެއް ފެނިގެންދިޔައިރު، ސްޓޭޑިއަމުން ބޭރުގައި ސަޕޯޓަރުން ވަނީ އިސްރާއީލާ ދެކޮޅަށް ވަރަށް ގިނަ ހަރަކާތްތަކެއް ހިންގާފައެވެ.