އާސެނަލުން ފަހަތުން އަރައި ލީޑްސް ޔުނައިޓެޑް ބަލިކޮށްފި
ލިޔުންތެރިޔާ
އަބްދުﷲ ހުސައިން
އިނގިރޭސި ޕްރިމިއާލީގްގައި ރޭ އާސެނަލް އާއި ލީޑްސް ޔުނައިޓެޑް ބައްދަލުކުރިމެޗް ފަހަތުން އަރައި އާސެނަލުން ކާމިޔާބުކޮށްފިއެވެ.
އާސެނަލްގެ އެމިރޭޓްސް ސްޓޭޑިއަމްގައި ކުޅުނު މިމެޗްގައި ލަނޑުތައް ފެނިގެންގޮސްފައިވަނީ ފަހު ހާފްގެ ތެރޭގައެވެ. ލީޑްސްއިން ގިނަ ވަގުތުތަކުގައި އާސެނަލްގެ ޑިފެންސްލައިނަށް ބާރުބޮޑުކުރަމުންދިޔައިރު، އެޓީމުން ލަނޑު ޖަހާފައިވަނީ 55 ވަނަ މިނެޓުގައި ޖޭމްސް ޖަސްޓިން އެވެ. އާސެނަލުން ލަނޑެއް ޖަހައި މެޗް އެއްވަރުކުރުމަށް މަސައްކަތްކުރިނަމަވެސް ލީޑްސްގެ ޑިފެންސް ލައިނާ އަދި ކީޕަރު ވަނީ ހަމަލާތައް ހުއްޓުވާފައެވެ.
މެޗްގެ އޮއިވަރު އާސެނަލްކޮޅަށް ބަދަލުވީ ކޯޗް މިކޭލް އަޓޭޓާ ގެނައި ބަދަލުތަކަށްފަހުއެވެ. މެޗުގެ ނަތީޖާ އެއްވަރުވީ ކަލަފިއޯރީ ޖެހި ލަނޑުންނެވެ. މި ލަނޑު ޖެހުމުގައި އެންމެ މުހިންމު ދައުރެއް އަދާކުރީ އާޓެޓާ މި މެޗުގައި ފުރުސަތު ދިން ނޯނީ މަޑުއޭކޭއެވެ. މެޗުން އާސެނަލް މޮޅުކޮށްދިން ލަނޑު ޖަހައިދިނި ކުޅެން އެރިތާ ފަސް މިނެޓް ތެރޭގައި ބްރޫނޯ ގިމަރޭޒްއެވެ. މާޓިން އޮޑެގާޑާއި ޑެކްލަން ރައިސް ގުޅިގެން އުފެއްދި ފުރުސަތަކުން ގިމަރޭޒް ފޮނުވާލި ބޯޅަ އަމާޒުވީ ގޯލުގެ ތިރީ ކަނަށެވެ.
މިމެޗުން އާސެނަލްއަށް ލިބުނު ތިން ޕޮއިންޓާއެކު އެޓީމުން ވަނީ އެއްވަނާގައި އޮތް ސިޓީއާ ޕޮއިންޓްގެ ގޮތުން އެއްވަރުވެފައެވެ.
މިމެޗުން އާސެނަލްއަށް ލިބުނު ތިން ޕޮއިންޓާއެކު އެޓީމުން ވަނީ އެއްވަނާގައި އޮތް ސިޓީއާ ޕޮއިންޓްގެ ގޮތުން އެއްވަރުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
