![އީރާނުގެ ރައީސް އިބްރާހިމް ރައިސީ ޓީވީ އިންޓަވިއުއެއްގައި ވާހަކަ ދައްކަވަނީ، އީރާނުގެ ތެހެރާންގައި، މެއި މަހުގެ ހަތް ވަނަ ދުވަހު [ހެންޑައުޓް: ޕްރެޒިޑެންޝަލް އެޑްމިނިސްޓްރޭޝަން އޮފް އީރާން : ރޮއިޓާސް]](https://fanvaiy-spaces.blr1.digitaloceanspaces.com/images/i9mo58wv8b.webp)
އީރާނުގެ ރައީސް ރައީސީ ގޮވައިގެން ދަތުރުކުރި ހެލިކޮޕްޓަރު ކުއްލި ހާލަތުގައި ލޭންޑްކޮށްފި
އީރާނުގެ ރައީސް ރައީސީ ގޮވައިގެން ދަތުރުކުރި ހެލިކޮޕްޓަރު ކުއްލި ހާލަތުގައި ލޭންޑްކޮށްފައިވާ ކަމަށް މީޑިއާތަކުން ރިޕޯޓުކޮށްފިއެވެ.
ބޭރުގެ ނޫސްތަކުން ރިޕޯޓުކުރާ ގޮތުގައި، އިރާނުގެ ރައީސް އިބްރާހިމް ރައިސީ ދަތުރުކުރަމުން ދިޔަ ހެލިކޮޕްޓަރު ވަނީ ލޭންޑު ކުރުމުގެ ތެރޭގައި އެކްސިޑެންޓަކާ ދިމާވެފައެވެ.
މިހާދިސާ ހިނގާފައިވަނީ މިއަދުގެ ވަގުތެއްގައި އީރާނުގެ އިރުމަތީ އަޒަރުބައިޖާން ޕްރޮވިންސްގެ ޖޯލްފާ ކައިރިންނެވެ.
ނިއުޔޯކް ޓައިމްސް އިން ރިޕޯޓުކުރާ ގޮތުގައި، އެ ހެލިކޮޕްޓަރުގައި އިރާނުގެ ފޮރިން މިނިސްޓަރު ހުސައިން އަމީރު އަބްދުﷲ އާއި އިރުމަތީ އަޒަރުބިޖާން ޕްރޮވިންސްގެ ގަވަރުނަރު ވެސް ދަތުރުކުރައްވަމުން ގެންދެވިއެވެ.
އިރާނުގެ، ދައުލަތުގެ ނޫސް އެޖެންސީ އިރްނާ އިން ރިޕޯޓްކޮށްފައިވާ ގޮތުގައި ހެލިކޮޕްޓަރު ހޯދުމަށް 16 ޓީމަކާއެކު ބޮޑު ހޯދުމުގެ އޮޕަރޭޝަނެއް މިހާރު ކުރިއަށް ގެންދާއިރު، މޫސުން ގޯސްވުމުގެ ސަބަބުން އެ މަސައްކަތަށް ދަނީ ހުރަސްއެޅެމުންނެވެ.
ނިއުޔޯކް ޓައިމްސް އިން ރިޕޯޓުކޮށްފައިވާ ގޮތުގައި، މި ހާދިސާއަށް ގާތްގަނޑަކަށް ފަސް ގަޑިއިރު ވެފައިވާއިރު، އަދިވެސް ހެލިކޮޕްޓަރު ވެއްޓުނު ތަން ހޯދިފައެއް ނުވެއެވެ.
"މި ސަރަހައްދުގެ ކޮމްޕްލެކްސިޓީތަކަށް ބަލާއިރު ގުޅުން ވަނީ ދަތިވެފަ. އުންމީދުކުރަނީ ސަލާމަތީ ޓީމުތައް ހެލިކޮޕްޓަރަށް ވާސިލްވެ އިތުރު މައުލޫމާތު ލިބިދާނެ ކަމަށް،"
އީރާނުގެ ދާޚިލީ ވަޒީރު އަހުމަދު ވަހީދީ ދައުލަތުގެ ޓީވީއަށް ވިދާޅުވި އެވެ.
މި ހާދިސާއާ ގުޅިގެން ދައުލަތުގެ މީޑިއާތަކުން މިހާތަނަށް ލިބުނު ގެއްލުންތަކުގެ ރިޕޯޓެއް ހިއްސާކޮށްފައިނުވާއިރު، ރައީސް ހުންނެވި ތަނެއް ނުވަތަ ޙާލު ކަށަވަރުކޮށްދީފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
