ރިސޯޓް ލީގު 2023 ގެ މެއިން ސްޕޮންސަރ އަކަށް ބީއެމްއެލް އިސްލާމިކް!

ރާއްޖޭގެ ޓޫރިޒަމް ދާއިރާގައި ބާއްވާ އެންމެ ބޮޑު ކުޅިވަރު ހަރަކާތް "ރިސޯޓް ލީގު 2023" ގެ މެއިން ސްޕޮންސަރ އަކަށް ބީއެމްއެލް އިސްލާމިކް ހަމަޖައްސައިފިއެވެ.

މުބާރާތުގެ މެއިން ސްޕޮންސަރ އެކު ބޭއްވި ސޮއި ކުރުމުގެ ރަސްމިއްޔާތުގައި ބިގް ގޭމް މޯލްޑިވްސްގެ ފަރާތުން ސޮއިކުރެއްވީ ރިސޯޓް ލީގު 2023 ގެ ޕަބްލިކް ރިލޭޝަން އިސްމާއިލް މުފީދު (ބިއްލެ) އެވެ. އަދި މި ރަސްމިއްޔާތުގައި ބީއެމްއެލް އިސްލާމިކްގެ ފަރާތުން ބައިވެރިވެލެއްވީ ފާރިހް ފަހުމީ ( ބިޒްނަސް ޑިވެލޮޕްމަންޓް އެންޑް ސްޓްރެޓެޖީ ޑިޕާޓްމަންޓް ) އެވެ.

ބީއެމްއެލް އިސްލާމިކްގެ ފަރާތުން ވޮއިސް އަށް މައުލޫމާތު ދެއްވަމުން ފާރިހް ފަހުމީ ވިދާޅުވީ ބީއެމްއެލް އިސްލާމިކްއަކީ ޝަރީޢާ ހުއްދަކުރާ އުސޫލްތަކުގެ މަތިން އިސްލާމިކް ބޭންކިންގ ގެ ޚިދުމަތް ރާއްޖޭގައި އެންމެ ފުޅާދާއިރާއެއްގައި ފޯރުކޮށްދެމުންދާ ބޭންކެވެ. އަދި އަޅުގަނޑުމެންގެ ފޯރުކޮށްދޭ ޚިދުމަތްތަކަކީ ބައިނަލްއަގުވާމީ މިންގަނޑުތަކާއި، ބޭންކުގެ ޝަރީޢާ އެޑްވައިޒަރުންގެ ލަފަޔާއި އިރުޝާދާ އެއްގޮތްވާގޮތުގެ މަތިން އެކުލަވާލެވި، ރާއްޖޭގެ ހުރިހާ ހިސާބަކުން  ފަސޭހަކަމާއި އެކީ ލިބިގެންދާ ހިދުމަތްތަކެކެވެ.

ބީއެމްއެލް އިސްލާމިކްގެ ޚިދުމަތްތައް ބީއެމްއެލްގެ ހުރިހާ ބްރާންޗުތަކުންނާއި، އޭޓީއެމް އާއި ޕީއޯއެސް ޓާމިނަލްތަކުން  އަދި ބީއެމްއެލް އިންޓަނެޓް ބޭންކިންގ އާއި މޮބައިލް ބޭންކިންގ މެދުވެރިކޮށް ވެސް ލިބޭ ބީއެމްއެލް އިސްލާމިކްގެ ޚިދުމަތްތަކަށް ބަލާއިރު އާންމު ފަރުދުންނަށް އަދި ވިޔަފާރިތަކަށް ޚާއްސަކުރެވިފައިވާ ޚިދުމަތްތަކެއް އެބަހުއްޓެވެ. މިގޮތުން ބީއެމްއެލް އިސްލާމިކް އިން ކަރަންޓް، ސޭވިންގ އަދި އިންވެސްޓްމަންޓް އެކައުންޓްގެ ޚިދުމަތް ލިބިލައްވާނެއެވެ.

މީގެ އިތުރުން ފައިނޭންސިންގ އަށް ބަލާއިރު، ގެދޮރު ޢިމާރާތް ކުރުމަށް އަދި ރާއްޖޭގެ ކޮންމެ ހިސާބަކުން ވެސް ފުލެޓް، އެޕާޓްމަންޓް އަދި ރޯހައުސް ފަދަ ގެދޮރު އިސްލާމިކް އުސޫލްތަކުގެ މަތިން ގަތުމަށް އަޅުގަނޑުމެން ފައިނޭންސް އެބަ ކޮށްދެމެވެ. އަދި އަޅުގަނޑުމެންގެ ބީއެމްއެލް އިސްލާމިކް ޕާރސަނަލް ފައިނޭންސިންގ އިން 1.2 މިލިއަން ރުފިޔާއާއި ހަމައަށް ނަގުދު ފައިސާ ނުވަތަ މުދާ ނެގޭނެއެވެ. އަދި މިޚިދުމަތަށް އޮންލައިންކޮށް ބީއެމްއެލް އިންޓަނެޓް ބޭންކިންގ އާއި މޮބައިލް ބޭންކިންގ މެދުވެރިކޮށް ވެސް އެޕްލިކޭޝަން ހުށަހެޅޭނެ އެވެ.

މީގެ އިތުރުން ބީއެމްއެލް އިސްލާމިކް އިން ވިޔަފާރި ފެށުމަށް، ވިޔަފާރި ހިންގުމުގެ ޚަރަދުތައް ހަމަޖެއްސުމަށް އަދި މިނޫންވެސް ޝަރީއާ ހުއްދަކުރާ ވިޔަފާރީގެ ފައިނޭންސްކޮށްދެމެވެ. އަދި ޝަރީއާ ހުއްދަކުރާ އުޞޫލުން ތަކުގެ މަތިން ރާއްޖޭގައި ފޯރުކޮށްދޭ ހަމައެކަނި އިސްލާމިކް އޯވަރޑްރާފްޓްގެ ފައިނޭންސިންގް އަދި ވިޔަފާރީގެ ޚަރަދުތައް ހަމަޖެއްސުމަށް ކޭޝް ފައިނޭންސިންގ ބީއެމްއެލް އިސްލާމިކް މެދުވެރިކޮށް ލިބިލައްވާނެއެވެ.

އިތުރަށް ވާހަކަ ދައްކަވަމުން ފާރިހް ވިދާޅުވީ ރިސޯޓް ލީގަކީ ރާއްޖޭގެ ރިސޯޓްތަކުގެ ސްޓާފުންނަށް ހާއްސަކޮށްގެން ބާއްވާ އެންމެ ބޮޑު ފުޓްސަލް މުބާރާތެވެ. އަދި ފުޓްސަލް އަކީ ރާއްޖޭގެ ގިނަބަޔަކު ލޯބިކުރާ ކުޅިވަރަކަށްވެފައި، އަޅުގަނޑުމެން އުންމީދުކުރަނީ މި މުބާރާތުގެ ސަބަބުން ރިސޯޓްތަކުގައި މަސައްކަތްކުރާ މުވައްޒަފުންނަށް އެމީހުން ހުނަރު ދައްކާލުމަށް ލިބިގެންދާނެ ރަގަޅު ފުރުސަތަކަށް މި މުބާރާތް ވެގެން ދިއުމެވެ. އަދި މި މުބާރާތުގެ ސްޕޮންސަރ ޕާޓްނަރަކަށް ވުމުގެ ފުރުސަތު ލިބިގެން ދިއުމަކީ އަޅުގަނޑުމެންނަށް ލިބުނު ވަރަށްބޮޑު އުފަލެކެވެ.