އުސާމާގެ މޮޅު ކުޅުމާއެކު، ބުރުން ގައްދޫ ބަލިކޮށް ލީގްގެ ފުރަތަމަ މޮޅު ހޯދައިފި

ދިވެހި ޕްރިމިއާލީގްގައި މިއަދު ހަވީރު ބުރު ސްޕޯޓްސް އާއި ގދ.ގައްދޫ ރެކްރިއޭޝަން ކްލަބް ބައްދަލުކުރިމެޗް ބުރު ކާމިޔާބުކޮށްފިއެވެ.

ގަލޮޅު ދަނޑުގައި ކުޅުނު މިމެޗް ގައްދޫގެ މައްޗަށް ބުރު ކުރި ހޯދީ 2-0 ގެ ނަތީޖާއިންނެވެ. މިމެޗްގައި ބުރަށް ގޯލް ހުޅުވާލަދިނީ، އެޓީމަށް ކުޅެމުން އަންނަ ބޭރުކުޅުންތެރިޔާ ހުއާން އެޑްވާޑޯ އެވެ. ދެވަނަ ލަނޑު ޖަހައިދިނި މުޅި މެޗްގައިވެސް މޮޅު ކުޅުމެއްދެއްކި އުސާމާ އެވެ. އޭނާ ވަނީ މިއަދުގެ މެޗްގެ މޮޅު ކުޅުންތެރިޔާގެ މަގާމުވެސް ހޯދާފައެވެ.

ލީގްގައި ގައްދޫ މިހާތަނަށް ފަސްމެޗް ކުލެފައިވާއިރު، އެއްވެސް މެޗަކުން މޮޅުވެފައެއް ނެތެވެ. ބުރު ސްޕޯޓްސް ކުޅުނު ތިން މެޗުން ބަލިވިއިރު، އެޓީމް މިހާރު އުޅެނީ ތާވަލްގެ އަށްވަނާގައެވެ. ގައްދޫ އުޅެނީ އެއްވެސް ޕޮއިންޓެއް ނުލިބި ތާވަލްގެ އެންމެ ފުލުގައެވެ.

ދިރާގް ދިވެހިލީގްގައި މާދަމާ ހަވީރު ބައްދަލުކުރާނީ ވިކްޓްރީ ސްޕޯޓްސް ކްލަބާއި ބިސްބުރެވެ.