ބިސްބުރު ބަލިކުރުމަށްފަހު ވިކްޓްރީ ތާވަލްގެ އެއްވަނައަށް

ދިރާގް ދިވެހިލީގްގައި ވިކްޓްރީ ސްޕޯޓްސް ކްލަބާއި ބިސްބުރު ބައްދަލުކުރިމެޗް ވިކްޓްރީ ކާމިޔާބުކޮށްފިއެވެ.

ގަލޮޅު ދަނޑުގައި ކުޅުނު މިމެޗް ވިކްޓްރީ ކާމިޔާބުކުރީ 3-0 ގެ ނަތީޖާއިންނެވެ. މެޗްގައި މެޗްގެ ފުރަތަމަ ހާފްގައި އެއް ލަނޑު ފެނިގެންދިޔައިރު، އަނެއް ދެ ލަނޑު ޖަހާފައިވަނީ ފަހުހާފްގެ ކުޅުމުގެ ތެރޭގައެވެ. މެޗްގައި ވިކްޓްރީއަށް ގޯލް ހުޅުވާލަދިނީ 27 ވަނަ މިނެޓް ތެރޭގައި އަލް ހާޖީ ގޭރޯ ތަނަވަސްކޮށްދިން ފުރުސަތެއްގައި އަހުމަދު ރިޒްވާނެވެ.

ދެވަނަ ހާފް ފަށައިގެން ވިކްޓްރީ މޮޅަށް ކުޅެފައިވާއިރު އެޓީމުން ވަނީ މިހާފް ފެށިތާ މާ ގިނައިރެއްނުވެ ލަނޑެއް ޖަހާފައެވެ. އަދި އޭގެ އިރުކޮޅެއްފަހުން ވަނީ އިތުރު ލަނޑެއްޖަހައި ޕޮއިންޓް ތާވަލްގެ އެއްވަނަ މަގާމް ވަގުތީގޮތުން ހޯދާފައެވެ. މެޗްގައި މި ނޫނަސް ވިކްޓްރީއަށް ވަނީ ލަނޑުޖަހާނެ ރަނގަަޅު ފުރުސަތުތައް ލިބިގެންގޮސްފައެވެ. މި މެޗުން ލިބުނު މޮޅާއެކު ވިކްރީ މިހާރު އުޅެނީ ކުޅުނު 4 މެޗުން ލުބުނު 10 ޕޮއިންޓާއެކު ތާވަލްގެ އެއްވަނާގައެވެ. މެޗުން ބަލިބި ބިސްބުރު އުޅެނީ ތާވަލްގެ ފަސްވަނާގައެވެ.