ދިރާގު މޯލްޑިވްސް ރޯޑް ރޭސް 2026ގެ ބިބް އެކްސްޕޯގެ ތެރެއިން- ފޮޓޯ/ ދިރާގު
ދިރާގު މޯލްޑިވްސް ރޯޑް ރޭސް 2026ގެ ބިބް އެކްސްޕޯގެ ތެރެއިން- ފޮޓޯ/ ދިރާގު
ވިޔަފާރި 17 Nov 2026 | 12:37

ދިރާގު މޯލްޑިވްސް ރޯޑް ރޭސް 2026ގެ ބިބް އެކްސްޕޯ ފޯރިއާއެކު ކުރިއަށް؛ ކިޓް ދޫކުރުމުގެ މުއްދަތު އިތުރުކޮށްފި

ރާއްޖޭގެ އެންމެ ބޮޑު މުވާސަލާތީ ކުންފުނި ކަމަށްވާ ދިރާގުން އިންތިޒާމުކޮށްގެން ބާއްވާ "ދިރާގު މޯލްޑިވްސް ރޯޑް ރޭސް (ޑީ.އެމް.އާރް.އާރް) 2026" ގެ ބިބް އެކްސްޕޯ ވަރަށް ފޯރިއާއެކު ކުރިއަށްދާ ކަމަށް އެކުންފުނިން ބުނެފިއެވެ.

ދިރާގުން މަޢުލޫމާތުދިންގޮތުގައި، މި އެކްސްޕޯ ކުރިއަށްދަނީ މާލޭގައި ހުންނަ ދިރާގު ހެޑް އޮފީސް ކައިރީގައި އޮންނަ ބީޖީ ޓާފް ދަނޑުގައެވެ. އަދި ދުވުންތެރިންނަށް ލުއިފަސޭހަކޮށްދިނުމުގެ ގޮތުން، ބިބް އާއި ރޭސް ކިޓް ދޫކުރުމުގެ މުއްދަތު މިހާރު ވަނީ މި ހިނގާ ނޮވެންބަރު މަހުގެ 18 ވާ ބުދަ ދުވަހުގެ ނިޔަލަށް އިތުރުކޮށްފައެވެ.

އެކްސްޕޯގެ ތެރެއިން ބިބް އަދި ރޭސް ކިޓް ދޫކުރުމަށް ހަމަޖެހިފައިވާ ގަޑިތަކަކީ:

14 ނޮވެންބަރު 2026: މެންދުރު ފަހު 4:00 އިން ހަވީރު 6:00 އަށް، އަދި ރޭގަނޑު 8:00 އިން 10:00 އަށް.

15 ނޮވެންބަރުން 18 ނޮވެންބަރު 2026 އަށް: ހެނދުނު 10:00 އިން މެންދުރު 12:00 އަށް، މެންދުރު 2:00 އިން ހަވީރު 6:00 އަށް، އަދި ރޭގަނޑު 8:00 އިން 10:00 އަށް.

ދިރާގުން ބުނި ގޮތުގައި، ދުވުންތެރިންނަށް ދޫކުރާ ކޮންމެ ރޭސް ކިޓެއްގައިވެސް ޓައިމިންގ ޗިޕް ހިމެނިފައިވާ ބިބް، ރޭސް ޓީޝާޓު، ސްޓްރިންގް ބޭގް އަދި ހަތަރު ނަރުދަތި ހިމެނޭނެއެވެ. އަދި ރޭސް ކިޓާ ޙަވާލުވުމަށް އަންނައިރު، ކަށަވަރު ކުރުމުގެ ގޮތުން ދުވުންތެރިޔާގެ އައިޑީ ކާޑާއި ބިބް ނަންބަރު ހުށަހަޅަން ޖެހޭނެ ކަމަށްވެސް އެ ކުންފުނިން ބުނެއެވެ.

މިއަހަރުގެ ބިބް އެކްސްޕޯ ރޭވިފައިވަނީ ޒިޔާރަތްކުރާ ފަރާތްތަކަށް ތަފާތު އަދި ހިތްގައިމު ތަޖުރިބާތަކެއް ފޯރުކޮށްދެވޭނެ ފަދަ މާހައުލެއްގައެވެ. އެގޮތުން، އެކި ވައްތަރުގެ ކާބޯތަކެތީގެ ސްޓޯލްތަކުގެ އިތުރުން، ދުވުންތެރިންނަށް ޚާއްޞަ ތަފާތު ސްޓޯލްތައް މިފަހަރުގެ އެކްސްޕޯއިން ފެނިގެންދާނެއެވެ. މީގެއިތުރުން، އެކްސްޕޯއަށް ޒިޔާރަތްކުރާ ޢާންމުންނާއި ދުވުންތެރިންނަށް ބައިވެރިވެވޭނެ ގިނަގުނަ ހަރަކާތްތަކެއްވެސް ވަނީ އިންތިޒާމުކޮށްފައެވެ.

ރާއްޖޭގައި ބާއްވާ އެންމެ ބޮޑު އަދި އެންމެ ގިނަ މީހުން އިންތިޒާރުކުރާ ދުވުމުގެ މި ހަރަކާތް މިއަހަރު ބޭއްވުމަށް ހަމަޖެހިފައިވަނީ 5،600 އަށްވުރެ ގިނަ ދުވުންތެރިންނާއެކު، ކުރިއަށްއޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

މި ދުވުމާ ގުޅޭ އިތުރު މަޢުލޫމާތު ދިރާގު ރޯޑް ރޭހުގެ ރަސްމީ ވެބްސައިޓް (www.dmrr.mv) މެދުވެރިކޮށް ލިބެން ހުންނާނެ ކަމަށް ދިރާގުން މަޢުލޫމާތު ދެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ސަރުކާރުގެ ކުންފުނިތަކުން ލިބުނު ފައިދާ 61.3 އިންސައްތަ އިތުރުވެ، ދައުލަތުގެ އާމްދަނީ 36 ބިލިއަން ރުފިޔާއަށް
17 Nov 2026 ވިޔަފާރި

ސަރުކާރުގެ ކުންފުނިތަކުން ލިބުނު ފައިދާ 61.3 އިންސައްތަ އިތުރުވެ، ދައުލަތުގެ އާމްދަނީ 36 ބިލިއަން ރުފިޔާއަށް

ސަރުކާރު ހިއްސާވާ ކުންފުނިތަކުން ލިބުނު ފައިދާގެ ކުރިއެރުމަކާއެކު، ހިނގަމުންދާ 2026 ވަނަ އަހަރުގެ ނޮވެމްބަރު މަހުގެ 12 ވަނަ ދުވަހުގެ ނިޔަލަށް ދައުލަތަށް ލިބުނު ޖުމްލަ އާމްދަނީ އާއި ހިލޭ އެހީގެ މިންވަރު 36.0 ބިލިއަން ރުފިޔާއަށް އަރައިފިއެވެ.

ދިރާގާއި ވިމެން އިން ޓެކް މޯލްޑިވްސް ގުޅިގެން ގަރލްސް ޓު ކޯޑް ޕްރޮގްރާމް އޭދަފުށީގައި ފަށައިފި
09 Nov 2026 ވިޔަފާރި

ދިރާގާއި ވިމެން އިން ޓެކް މޯލްޑިވްސް ގުޅިގެން ގަރލްސް ޓު ކޯޑް ޕްރޮގްރާމް އޭދަފުށީގައި ފަށައިފި

ދިރާގާއި ވިމެން އިން ޓެކް މޯލްޑިވްސް ގުޅިގެން ހިންގާ ގަރލްސް ޓު ކޯޑް ޕްރޮގްރާމް، އޭއައި ހުނަރުތައް ހިމަނައިގެން ބ. އޭދަފުށީގައި ފަށައިފިއެވެ. މިއީ 15 އަހަރާއި 35 އަހަރާ ދެމެދުގެ އަންހެނުންނަށް އަމާޒުކޮށްގެން ހިންގާ ހަތް ހަފުތާގެ ޕްރޮގްރާމެކެވެ.

ދިރާގު މޯލްޑިވްސް ރޯޑް ރޭހުގައި މިފަހަރު 5،600 އަށް ވުރެ ގިނަ ބައިވެރިން
05 Nov 2026 ހަބަރު

ދިރާގު މޯލްޑިވްސް ރޯޑް ރޭހުގައި މިފަހަރު 5،600 އަށް ވުރެ ގިނަ ބައިވެރިން

ދިރާގް މޯލްޑިވްސް ރޮޑް ރޭހާ ގުޅޭގޮތުން އެކުންފުނިން މިއަދު ބުނީ، މި އަހަރުގެ ދުވުމުގައި ދުނިޔޭގެ އެކި ކަންކޮޅުތަކުންނާއި ރާއްޖެއިން ޖުމްލަ 5،600 އަށް ވުރެ ގިނަ ދުވުންތެރިން މިހާތަނަށް ބައިވެރިވެފައިވާކަމަށެވެ. ދިރާގު މޯލްޑިވްސް ރޯޑް ރޭސް މި ދުވުން އޮންނާނީ ކުރިއަށް އޮތް ނޮވެންބަރު މަހުގެ 20 ވާ ހުކުރު ދުވަހު ހުޅުމާލެ ސެންޓްރަލް ޕާކުގައެވެ.

ދިރާގު އެޕްރެންޓިސްޝިޕް ޕްރޮގްރާމް 2027 ގައި ބައިވެރިވުމުގެ ފުރުސަތު ހުޅުވާލައިފި
04 Nov 2026 ވިޔަފާރި

ދިރާގު އެޕްރެންޓިސްޝިޕް ޕްރޮގްރާމް 2027 ގައި ބައިވެރިވުމުގެ ފުރުސަތު ހުޅުވާލައިފި

އިޖުތިމާއީ ޒިންމާގެ ދަށުން ޒުވާނުން ބާރުވެރިކުރުމަށްޓަކައި ހިންގާ މި ޕްރޮގްރާމާ ބެހޭގޮތުން ދިރާގުން ބުނީ، މިއީ ރާއްޖޭގެ ފުރަތަމަ ކޯޕަރޭޓް އެޕްރެންޓިސްޝިޕް ޕްރޮގްރާމް ކަމަށްވާއިރު، މި ޕްރޮގްރާމުން ޒުވާނުންގެ މުސްތަގުބަލަށް ވަރަށް ބޮޑު ކުރިއެރުމެއް ލިބިގެންދާނެ ކަމަށެވެ.

ދިރާގުގެ ކުރީގެ ޗެއާމަން ރިލްވާން ޝަރީފް އަވަހާރަވެއްޖެ
02 Nov 2026 ހަބަރު

ދިރާގުގެ ކުރީގެ ޗެއާމަން ރިލްވާން ޝަރީފް އަވަހާރަވެއްޖެ

ދިރާގުގެ ކުރީގެ ޗެއާމަން އަދި ވިލާ އެއާގެ މެނޭޖިން ޑިރެކްޓަރު ރިލްވާން ޝަރީފް މިއަދު އަވަހާރަވެއްޖެއެވެ. އަވަހާރަވީއިރު އުމުރުފުޅަކީ 72 އަހަރެވެ. ރިލްވާން އަވަހާރަވީ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި ފަރުވާ ހޯއްދަވަމުން ގެންދަވަނިކޮށެވެ.

މޯލްޑިވްސް އެކްސްޕޯގައި ދިރާގުން، އައިފޯން 18 ޕްރޯ ހިމެނޭހެން އަގުހުރި އިނާމްތަކެއް
29 Oct 2026 ވިޔަފާރި

މޯލްޑިވްސް އެކްސްޕޯގައި ދިރާގުން، އައިފޯން 18 ޕްރޯ ހިމެނޭހެން އަގުހުރި އިނާމްތަކެއް

މޯލްޑިވްސް އެކްސްޕޯ 2026ގައި ދިރާގުގެ ސްޓޯލުން ޚިދުމަތް ނަގާ ފަރާތްތަކުގެ މެދުގައި އައިފޯން 18 ޕްރޯއަކާއި ރިސޯޓު ޗުއްޓީއެއް އަދި ދުވާލު އިނާމުތައް ލިބޭ ޕްރޮމޯޝަނެއް ވަނީ ފަށައިފައެވެ.

އެފްޑީސީ ފްލެޓްތަކުގެ ކުލި ދައްކައިގެން އެއް މަހުގެ ކުލި ހިލޭ
24 Oct 2026 ހަބަރު

އެފްޑީސީ ފްލެޓްތަކުގެ ކުލި ދައްކައިގެން އެއް މަހުގެ ކުލި ހިލޭ

ފަހި ދިރިއުޅުން ކޯޕަރޭޝަން )އެފްޑީސީ( ގެ ފްލެޓްތަކުގައި ދިރިއުޅޭ ރައްޔިތުންނަށް ހާއްސަކޮށްގެން، ދިރާގުޕޭ މެދުވެރިކޮށް ކުލި ދައްކައިގެން އެއް މަސްދުވަހުގެ ކުލި މުޅިން ހިލޭ ލިބޭ ހާއްސަ ޕްރޮމޯޝަނެއް ދިރާގު ފިންޓެކްއިން ތައާރަފުކޮށްފިއެވެ.