ރޮނާލްޑޯގެ ސަސްޕެންޝަން އެންމެ މެޗަކަށް

ޗެންޕިއަންސް ލީގުގައި ޔުވެންޓަސްއާއި ވެލެންސިއާ ބައްދަލުކުރި މެޗުގައި ރޮނާލްޑޯއަށް ރަތްކާޑު ދައްކާ އޭނާވަނީ ދަނޑުން ފޮނުވާލާފައެވެ. މިއީ ރޮނާލްޑޯގެ ކެރިއަރުގައި ޗެންޕިއަންސްލީގުގައި ކުޅުނު މެޗެއްގައި އޭނާއަށް ދެއްކި ފުރަތަމަ ރަތްކާޑެވެ.

މިރަތް ކާޑާއި ގުޅިގެން ރޮނާލްޑޯއަށް އޮތީ ޗެންޕިއަންސް ލީގުގެ 3 މެޗު ގެއްލޭނެކަމުގެ ބިރު ހީވެފައެވެ.

އެހެންނަމަވެސް، ޔުއޭފާ އިން މިކަން އިތުރަށް ރިވިއު ކުރުމަށްފަހު ނިންމާފައިވަނީ ރޮނާލްޑޯ އެންމެ މެޗަކަށް ސަސްޕެންޑްކުރުމަށެވެ.

ވީމާ ރޮނާލްޑޯއަށް ޗެންޕިއަންސް ލީގުގައި ގެއްލޭނީ އޮކްޓޫބަރު މަހުގެ 2 ވަނަ ދުވަހު ސްވިޓްޒަލޭންޑްގެ ޔަންގް ބޯއީސްއާއި ދެކޮޅަށް ޔުވެންޓަސް ކުޅޭ މެޗު އެކަންޏެވެ.