ވިއްސާރަވެ ލިބުނު ގެއްލުންތަކާއި ގުޅިގެން އާއިލާއާއި ބެހޭ ކޯޓުގެ ބައެއް ޚިދްމަތްތައް މެދުކެނޑިފައި
ރޭ މާލެއަށް ކުރި ވިއްސާރައިގައި ޢާއިލާއާއި ބެހޭ ކޯޓަށް ލިބުނު ގެއްލުން ތަކުގެ ސަބަބުން އެ ކޯޓުގެ ބައެއް ޚިދްމަތްތައް މެދު ކެނޑިއްޖެއެވެ.
އެކޯޓުން ބުނެފައިވަނީ ރޭ މާލެ އަށް ކުރިވިއްސާރައިގައި އެ ކޯޓުގެ ހެންވޭރު ޢިމާރާތައް ވާރޭ ވެހި މަސައްކަތް ނުކުރެވޭ ވަރަށް ތަނަށާއި ތަކެއްޗަށް ގެއްލުން ލިބުފައިވާތީ ހެންވޭރުގައި ހުންނަ އެކޯޓުގެ ޢިމާރާތުން ދެމުންގެންދާ ޚިދްމަތްތައް މިވަގުތު އެޢިމާރާތުން ދެވެން ނެތުމުން މިއަދުން ފެށިގެން ޚިދްމަތަށް ބަދަލުތަކެއް ގެނެވިފައިވާ ކަމަށެވެ.
އެގޮތުން ޢާއިލީ މައްސަލަތައް ޙައްލުކުރުމާއި ބެހޭ ބައިގައި ތާވަލުކުރެވިފައިވާ ޞުލްޙައިގެ ސެޝަންތައް ކެންސަލް ކުރެވިފައިވާ ކަމަށެވެ.
މީގެ އިތުރުން ކައިވެނި ކޮށްދިނުމާއި، ކައިވެންޏާއި ގުޅުންހުރި ފޯމްތައް ބަލައިގަތުމާއި، ކައިވެންޏާއި ގުޅިގެން މަޢުލޫމާތު ދިނުމަށް ބާއްވާ ސެޝަންތަކާއި ފައިސާ ބަލައިގަތުމުގެ ކަންކަން ވަގުތީ ގޮތުން ކުރިއަށްދާނީ ޖަސްޓިސް ބިލްޑިންގގެ ގްރައުންޑް ފްލޯއިން ކަމަށްވެސް އާއިލާއާއި ބެހޭ ކޯޓުން ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
