ރައްޔިތުން އިންތިހާބުކޮށްފަ ހުރި ރައީސެއްގެ އަތް ބަންނަން ކުރާ މަސައްކަތަކަށް ތާއީދެއް ނުކުރަން: އަބްދުއްރަހީމް
ރައްޔިތުން އިންތިހާބުކޮށްފަ ހުރި ރައީސުލްޖުމްހޫރިއްޔާއެއްގެ އަތް ބަންނަން ކުރާ މަސައްކަތަށް ތާއީދު ނުކުރައްވާ ކަމަށް ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ޗެއާޕާސަން އަބްދުއްރަހީމް އަބްދުالله ވިދާޅުވެއްޖެއެވެ.
އަބްދުއްރަހީމް މިފަދައިން ވިދާޅުވީ ޕީޕީއެމް ޕީއެންސީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.
"ފުރަތަމަ ސިޔާސީ މަގާމްތައް މަދުކުރަން، ގާނޫނަށް ގެންނަ އިސްލާހަށް އަޅުގަނޑުމެން ތާއީދު ކުރާނެތޯ. ރައްޔިތުން އިންތިހާބުކޮށްފަ ހުރި ރައީސުލްޖުމްހޫރިއްޔާއެއްގެ އަތް ބަންނަން ކުރާ މަސައްކަތަކަށް އަޅުގަނޑުމެން ތާއީދެއް ނުކުރަން. އެއީ އޭގެ ޖަވާބަކީ."
އަބްދުއްރަހީމް ވިދާޅުވިއެވެ.
މީގެ އިތުރުންވެސް އަބްދުއްރަހީމް ވިދާޅުވީ ދަ ޑިމޮކްރެޓްސް އަށް އޭރު އެމްޑީޕީގެ ސިޔާސަތެއް ކަމަކު ނުދިޔަ ކަމަށާއި ވެރިކަން ބަދަލުކުރަން ނުކުތީ އެހެންވެ ކަމަށެވެ. އޭރު ރައީސް ޑރ.މުއިއްޒު ގެންގުޅުއްވާ ސިޔާސަތު ވަރަށް ރަނގަޅުކަމަށް ބުނި ކަމަށާއި އެމަނިކުފާނުގެ ސިޔާސަތާއި ޕީޕީއެމް ޕީއެންސީގެ ސަރުކާރު ކަމުނުދިޔައީ އެބޭފުޅުން ބޭނުންފުޅުވާ ގޮތަށް ނުވަތަ ބޭނުންފުޅުވާ ކަމެއް ހާސިލު ނުވީމާ ކަމަށެވެ.
"މިއަދު އެބޭފުޅުން ބޭނުންފުޅުވާ ގޮތަށް ނުވަތަ ބޭނުންފުޅުވާ ކަމެއް ހާސިލު ނުވީމާ ޑރ.މުއިއްޒުގެ ސިޔާސަތު ކަމުނުދިޔައީ. ޕީޕީއެމް ޕީއެންސީގެ ސަރުކާރު ކަމުނުދިޔައީ. އަލުން އަނބުރާ ގޮސް ހަމަ މިއިށީނީ އޭރުގައި ކަމުނުދިޔަ ސިޔާސަތު ގެންގުޅުނު މޭޒުގައި. އެހެންވީމަ އެބަ އެނގޭނޫންތޯ ރައްޔިތުންނަށް މިދައްކާ ވާހަކައިގެ ދެކޮޅު ދިމާނުވާކަން."
އަބްދުއްރަހީމް ވިދާޅުވިއެވެ.
މިހާތަނަށް އައިރު ޑރ.މުއިއްޒުގެ ސިޔާސަތު ކަމުނުގޮސްގެން ދެއްކި ވާހަކައެއް ނޭނގޭ ކަމަށާއި އެބޭފުޅުންނަށް ރައީސް ޑރ.މުއިއްޒުގެ ސިޔާސަތުގެ ތެރެއިން ކަމުނުދިޔަ ކަމެއް ވިދާޅުވެދެއްވަން ވާނެ ކަމަށް ވެސް އަބްދުއްރަހީމް ވިދާޅުވިއެވެ.
އަބްދުއްރަހީމް މިފަދައިން ވިދާޅުވެފައިވާއިރު އިއްޔެ ވަނީ އެމްޑީޕީ އާއި ދަ ޑިމޮކްރެޓްސް ގުޅިގެން ނޫސްވެރިންގެ ބައްދަލުވުމެއް ބާއްވާފައެވެ. މި ބައްދަލުވުމުގައި ދާއިރާތަކުގެ އާބާދީގެ ނިސްބަތަށް ބަލައި، މަޖިލީހުގެ މެމްބަރުންގެ އަދަދަށް ކޮންމެ ދައުރެއްގައި ވެސް ބޮޑެތި ބަދަލުތަކެއް އަންނާތީ، އެ ދެ ޕާޓީ ގުޅީގެން މި އަދަދު ލިމިޓް ކުރުމަށް ޤާނޫނު އަސާސީ އިސްލާހު ކުރަން ހުށަހަޅާނެކަން ވަނީ ހާމަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
