ވެރިފަރާތުގެ ސިޓީއެއް ހުށައެޅުމުން އައިޑީ ކާޑު ދޫކުރާ ގޮތަށް ހަމަޖައްސައިފި
ދިވެހި ރައްޔިތެއްކަން އަންގައިދޭ ކާޑުގެ ވެރިފަރާތް ހާޒިރު ނުވިނަމަވެސް، ވެރިފަރާތުގެ ސިޓީ އެއް ހުށައަޅައިގެން އައިޑީ ކާޑު ދޫކުރާ ގޮތަށް ޑިޕާޓްމަންޓް އޮފް ނެޝަނަލް ރަޖިސްޓްރޭޝަނުން (ޑީއެންއާރް) އިން ހަމަޖައްސައިފިއެވެ.
ޑީއެންއާރް އިން މިއަދު ނެރުނު ސަރކިއުލާއެއްގައި ބުނީ ރައްޔިތުންނަށް ލުއި ފަސޭހަކޮށްދިނުމަށް އައިޑީކާޑުގެ ވެރިފަރާތްނޫން އެހެން ފަރާތަކަށް ކާޑު ދޫކުރަން ނިންމާފައިވާ ކަމަށެވެ.
މި މަހުގެ 25 ވަނަ ދުވަހުން ފެށިގެން ވެރިފަރާތުގެ ސިޓީއެއް ހުށައެޅުމުން ސިޓީގައި ބަޔާންކޮށްފައިވާ ފަރާތަށް ކާޑު ދޫކުރުމުގެ އިންތިޒާމް ހަމަޖެހިފައިވާ ކަމަށްވެސް އެ އިދާރާއިން ނެރުނު ސާކިއުލާގައި ވެއެވެ.
އެ އިދާރާއިން ބުނީ މި ނިޒާމަށް އަމަލު ކުރަން ފެށި ނަމަވެސް ކާޑާ ހަވާލުވުމަށް ފަހު ވެރިފަރާތަށް ކާޑު ނުލިބިގެން ޝަކުވާއެއް ހުށަހަޅައިފިނަމަ އެ މައްސަލައެއް ފުލުހަށް ހުށަހަޅާނެ ކަަމަށެވެ.
މީގެ ކުރިން އުސޫލު އޮންނަ ގޮތުން ވެރިފަރާތް ނޫން އެހެން މީހަކަށް އައިޑީކާޑު ދުލެއް ނުކުރެއެވެ. މި ކަމުގެ ސަބަބުން ކާޑާ ހަވާލުވެވެން ނެތް ފަރާތްތަކަށް ގިނަ ދަތިތަކާ ކުރިމަތިލާންޖެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
