16 ދުވަހުގެ ޗުއްޓީއަކަށްފަހު، ދެވަނަ ޓާމްގެ ކިޔެވުން މިއަދު ފެށިއްޖެ
ލިޔުންތެރިޔާ
އަބްދުﷲ ހުސައިން
ފުރަތަމަ ޓާމް ޗުއްޓީއަށްފަހު، ދެވަނަ ޓާމްގެ ކިޔެވުން މިއަދު ފެށިއްޖެއެވެ.
މިފެށުނު ދިރާސީ އަހަރުގެ ފުރަތަމަ ޓާމްގެ ކިޔެވުން ފަށާފައިވަނީ އޭޕްރިލްމަހުގެ ހަތްވަނަ ދުވަހުއެވެ. ފުރަތަމަ ޓާމް ނިންމައި ދަރިވަރުންނަށް ރިޕޯޓްފޯމް ދީފައިވަނީ، ޖުލައިމަހުގެ 24 ވަނަ ދުވަހުއެވެ. މިއަހަރުގެ ފުރަތަމަ ޓާމް ޗުއްޓީއަށް ދަރިވަރުންނަށް 16 ދުވަސް ލިބުނެވެ.
އެޑިއުކޭޝަނުން ބުނެފައިވަނީ، މިއަހަރު ރާއްޖޭގެ ސްކޫލްތަކުގައި 84،000 ދަރިވަރުން ކިޔަވަމުންދާކަމަށާއި، އެ ދަރިވަރުންނަށް ކިޔަވައިދިނުމަށް 11،000 ހަށްވުރެ ގިނަ ޓީޗަރުން ތިބޭނޭކަމަށެވެ. މިހިނގާ ދިރާސީ އަހަރުގެ ދެވަނަ ޓާމަށްފަހު ކުދިންގެ ކިޔެވުން ޑިސެމްބަރު މަހުގެ 25 ވަނަ ދުވަހު ނިމޭނެ އެވެ. އެހެންކަމުން ދެވަނަ ޓަރމްގެ ބޮޑު ޗުއްޓީ ފެށޭނީ މިއަހަރުގެ ޑިސެމްބަރު މަހުގެ 28 ވަނަ ދުވަހުން ފެށިގެން އަންނަ 2026 ވަނަ އަހަރުގެ ޖަނަވަރީ މަހުގެ 22 ވަނަ ދުވަހާ ހަމައަށެވެ.
ސްކޫލްތަކުގެ ދެވަނަ ޓަރމް ޗުއްޓީއަކީ 25 ދުވަހުގެ ދިގު ޗުއްޓީއެކެވެ.
ދިރާސީ އަހަރުގެ ކިޔެވުން އަހަރުގެ މެދުތެރޭގައި ފަށާ ގޮތަށް އޮތް އޮތުން ނިމުމަކަށް ގެނެސް އިހު އޮތްގޮތަށް ޖަނަވަރީ މަހު ކިޔެވުން ފަށާގޮތަށް ސަރުކާރުން ވަނީ ބަދަލުކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
