ރައީސް ޔާމީންގެ މިސްރާބް ފުލުހުންގެ ތަހުޤީޤަށް
ލިޔުންތެރިޔާ
ޝަފްރާޒް އަހްމަދު
ނިމިދިޔަ ރިޔާސީ އިންތިޚާބާ ގުޅޭގޮތުން ސުޕްރީމް ކޯޓަށް ރައީސް އަބްދުﷲ ޔާމީން ހުށަހަޅާފައިވާ މައްސަލައިގެ އިންތިހާބް ބާތިލް ކުރެވޭ ވަރަށް ހެކިނެތުމުން ބާތިލް ނުކުރުމަށް ސުޕްރީމް ކޯޓުގެ ފަސް ފަނޑިޔާރުންގެ އިއްތިފާޤުނެ ހުކުމަށް ފަހު ދެން އޮތީ ފުލުހުންގެ ޖިނާއީ ތަހުޤީގަކާ ދިމާލަށް ދިއުން ކަމަށް ހާމަވެއްޖެއެވެ.
މިރޭ ލީކް ވެފައިވާ ރައީސް ޔާމިން އިންނަވާ ޕީޕީއެމް ގެ ކައުންސިލް ވައިބާ ގްރޫޕްގެ ޗެޓް ލޮގައި ރައީސް ޔާމީން ވަނީ މެންބަރުން މާޔޫސް ނުވުމަށް ގޮވާލާފައެވެ.
މިއާއެކު ރައީސް ޔާމީންގެ ސަރުކާރުގެ އެންމެ ނުފޫޒު ގަދަ އިކޮނޮމިކް މިނިސްޓަރ ސައީދު ވިދާޅުވެފައިވަނީ "ސުޕްރީޕް ކޯޓުގެ މިއަދުގެ ހުކުމަކުން ޖިނާއީ ތަހުގީގައް އޮތް ފުރުސަތު ބަންދުނުވޭ. އިންތިހާބާ ބެހޭ މައްސަލަތައް ޕާޓީން ޕޮލިހަށް ހުށަހަޅާނެ" ކަމަށެވެ.
މިއަދު ސުޕްރީމް ކޯޓުގެ ނިންމުމުގެ މުހިންމު ނުކުތާތަކަށް ބަލާއިރު އިންތިހާބާ ބެހޭ މައްސަލަ އެއް ވާނަމަ މައްސަލައާގެން ކުރިއަށް ދެވިދާނެ ގޮތްތައް ބަޔާން ކުރެވިފައިވެއެވެ.
އެގޮތުން އިންތިހާބީ ޝަކުވާތައް ހައިކޯޓައް ހުށަހަޅަން ހުރަހެއް ނެތްކަމަށް ސުޕްރީމް ކޯޓުގެ ހުކުމުގައި ވެއެވެ.
އަދި ކޮރަޕްޝަންގެ ކަމަކަށް ތުހުމަތު ވާނަމަ، އޭސީސީއަށް ހުށާހެޅުމަށާއި ޖިނާއީ ކަމެއް އޮތްނަމަ ކަމާބެހޭ މުއައްސަސާތަކަށް ތަހުްީްު ގެންދަން ހުރަހެއް ނެތްކަން ސުޕްރީމް ކޯޓުގެ ހުކުމުގައި ވެއެވެ.
އެހެންކަމުން ދެން ރައީސް ޔާމީންގެ މިސްރާބް އޮތީ ފުލުހުންގެ ތަހުޤީގައްކަން ސާފުވެއެވެ.
އަދި މިއަދުގެ ސުޕްރީމް ކޯޓުގެ ހުކުމަށް ބަލައި ރިޔާސީ އިންތިހާބު ގެ މައްސަލަ މިހިސާބުން ނިމުނީ ކަމަށް ބެލޭނެ ޖާގައެއް ނެތްކަން ފާހަގަކޮށްލަން ޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
