ޕީއެންސީގައި 68،968 މެންބަރުން، އެމްޑީޕީން 10،000 މެންބަރުން ވަކިވެއްޖެ
ލިޔުންތެރިޔާ
އަހުމަދު ހަމީދު އާދަމް
އެންމެ މެންބަރުންގެ ގިނަ ސިޔާސީ ޕާޓީއަކަށް ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ވެއްޖެ އެވެ.
އިލެކްޝަންސް ކޮމިޝަނުން މިއަދު ވަނީ ސިޔާސީ ޕާޓީތަކުގައި މެންބަރުން ތިބި އަދަދުގެ އެންމެ ފަހުގެ މައުލޫމާތާއި އެ ޕާޓީތަކަށް ދައުލަތުން މި އަހަރު ދޫކުރާ ފައިސާގެ އަދަދު ކަނޑައަޅާ އާންމުކޮށްފަ އެވެ.
އެންމެ މެންބަރުން ގިނައީ ޕީއެންސީގަ އެވެ. އެ ޕާޓީގައި 68,000 ވުރެ ގިނަ މެންބަރުން އެބަ ތިއްބެވެ. ދެން އެންމެ މެންބަރުން ގިނައީ އިދިކޮޅު މައި ޕާޓީ އެމްޑީޕީގަ އެވެ. އެ ޕާޓީގައި ތިބީ 43,000 މެންބަރުންނެވެ. މިއީ ކުރީގެ އަދަދާއި ބަލާއިރު ބޮޑު ތަނުން މަދު އަދަދެކެވެ. ކުރީން އެ ޕާޓީގައި 53,000 ވުރެ ގިނަ މެންބަރުން ތިއްބެވެ.
* ޕީޕަލްސް ނޭޝަނަލް ކޮންގްރެސް - 68,968 މެންބަރުން
* ދިވެހިރައްޔިތުންގެ ޑިމޮކްރެޓިކް ޕާޓީ - 43,755 މެންބަރުން
* ޖުމްހޫރީ ޕާޓީ - 13,826 މެންބަރުން
* އަދާލަތު ޕާޓީ - 9,049 މެންބަރުން
* މޯލްޑިވްސް ޑިވެލޮޕްމަންޓޔް އެލަޔަންސް - 9,210 މެންބަރުން
* މޯލްޑިވްސް ނެޝަނަލް ޕާޓީ - 6,050 މެންބަރުން
* ދަ ޑިމޮކްރެޓްސް - 3,667 މެންބަރުން
* މޯލްޑިވްސް ތާޑްވޭ ޑިމޮކްރެޓްސް - 2,350 މެންބަރުން
* ޕީޕަލްސް ނެޝަނަލް ފްރަންޓް - 2,822 މެންބަރުން
ޕީއެންސީ އަކީ ކުރީން 3,000 މެންބަރުންގެ ދަފްތަރެއް އޮތް ޕާޓީ އެކެވެ. ނަމަވެސް އެ ޕާޓީ އަކީ ރާއްޖޭގައި އެންމެ މެންބަރުން ގިނަ ޕާޓީއަށް ހައްދަވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ވިދާޅުވެފަ އެވެ. އެމަނިކުފާނަކީ އެ ޕާޓީގެ ރައީސެވެ.
އެމަނިކުފާނުގެ އިރުޝާދުގެ ދަށުން މެންބަރުން އިތުރުކުރުމަށް ގިނަ މަސައްކަތްތަކެއް ވަނީ ކޮށްފަ އެވެ.
އިލެކްޝަންސް ކޮމިޝަނުން މިއަދު ވަނީ މި ޕާޓީތަކުގެ ތެރެއިންް 10,000 ވުރެ ގިނަ މެންބަރުން ހިމެނޭ ޕާާޓީތަކަށް ދައުލަތުން މި އަހަރު ފައިސާ ދޫކުރުމަށް ހަމަޖެހިފައިވާ އަދަދުގެ ތަފްސީލު ވެސް ހާމަކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
