އަސްރާގެ ބޭސްފަރުވާއަށް އެހީ ހޯދުމަށް ހަރަކާތްތަކެއް ބާއްވަނީ
ހިތާއި ފުއްޕާމޭގެ ޓްރާސްޕްލާންޓް ހެދުމަށްޓަކައި އިންޑިޔާގެ ބެންގަލޫރުގައި އަސްރާއަށް އެހީވުމަށް މާލޭގައި ޚާއްސަ ހަރަކާތްތަކެއް ކުރިއަށް ގެންދިޔުމަށް ނިންމައިފިއެވެ.
ހިތާއި ފުއްޕާމޭގެ ޓްރާސްޕްލާންޓްއެއް ހެދުމަށްޓަކައި އިންޑިޔާގެ ބެންގަލޫރުގައި އަސްރާ ހުންނަތާ މިއަދަށް މިވީ 1 އަހަރާއި 4 މަހެވެ. ނަަަމަވެސް މިއަދާއި ހަމައަށްވެސް އޯރގަން ލިބިފައިނުވާތީ ޑޮކްޓަރުންވެސް ވަނީ އިންޑިޔާގެ މުމްބާއީއަށް ބަދަލުވުމަށް ލަފާދީފައެވެ.
މުމްބާއީގެ ހޮސްޕިޓަލްތަކުން އާސަންދަ ހަމަޖެހޭނެ ގޮތެއް ނުވުމާއި މުންބާއިއަށް ގޮސް އޯރގަންއެއް ލިބޭނެ ވަކިދުވަހެއް އަންދާޒާކުރަން ނޭންގުމާއިއެކު އަސްރާގެ އާއިލާއިން މިހާރު މަސައްކަތް ކުރަމުން ދަނީ ދުނިޔޭގެ އެންމެ ގިނައިން އޯރގަން ޑޮނޭޝަން އޮންނަ ގައުމު ކަމަށްވާ ސްޕެއިންއަށް ގޮސް އިވެލިއުއޭޝަން ހަދާ އެކޮޅުގެ ހޮސްޕިޓަކަލުން ލިޔުމެއް ހޯދުމަށްކަމަށް އަސްރާގެ ފިރިމީހާ ޔާސިރު ބުނެފައިވެއެވެ.
ޔާސިރު އިތުރަށްބުނީ، ސްޕެއިންގެ ވަރަށް ގިނަ ހޮސްޕިޓަލްތަކާއި މުޢާމަލާތް ކުރެވުނުއިރު ކޮންމެ ހޮސްޕިޓަލަކުންވެސް ބުނަނީ މަދުވެގެން 3 މަސްތެރޭގައި އޯރގަން ލިބޭނެކަމަށެވެ. އެހެން ނަމަވެސް ސަރުކާރުގެ ވުޒާރާތަކަށް ބޭނުންވަނީ މިކަމުގެ ލިޔެކިއުންތަކެވެ. ކަން މިހެން އޮތުމާއިއެކު ސްޕެއިން އަށްގޮސް އެވަލުއޭޝަންއެއް ހަދައިގެން ނޫނީ މިކަމާއި ގުޅޭ އެއްވެސް ލިއެކިއުމެއް ލިބޭކަށްނެތެވެ.
ސްޕެއިން އަށް އެވަލުއޭޝަންއެއް ހެދުމަށް ދާނަމަ ގާތްގަނޑަކަށް -/25000 ޑޮލަރު އެބަ ބޭނުންވެއެވެ. އެހެންކަމުން މިމަހުގެ 6ވަނަ ދުވަހާއި 7ވަނަ ދުވަހު ފަންޑްރައިޒިން އިވެންޓްއެއް މާލޭގައި ބޭއްވުމަށް މިދަނީ ތައްޔާރުވަމުންނެވެ.
މި އިވެންޓްތަށް ބާއްވަން ހަމަޖެހިފައިވަނީ މާލެއާއި ހުޅުމާލޭގައެވެ. އެގޮތުން މާލެއާއި ހުޅުމާލޭގެ އެކި ތަންތަނުގައި ހެލްޕް އަސްރާގެ ޓީޝާރޓް ލައިގެން ކުރިއަށް ގެންދާގޮތަށްވަނީ ހަމަޖެހިފައެވެ. އާއިލާއިން ބުނީ 385,500 ރުފިޔާއަކީ ދެދަވަހުގެ އިވެންޓްއަކުން އެއްކުރެވޭނެ ވަރެއް ނޫންކަމަށާއި މިކަމުގައި އެންމެހާ ފަރާތްތަކުގެ ދީލަތި އެހީތެރިކަމާއި ހެޔޮ ދުޢާ ބޭނުންވާ ކަމަށެވެ.
އަސްރާއަށް އެހީތެރިކަން ވެދެއްވަން ބޭނުންފުޅުވެލައްވާ ފަރާތްތަކުން ތިރީގައި މިވާ އެކައުންޓު ނަމްބަރު ތަކަށް ފައިސާ ޖަމާކޮށްދެއްވުމަށް އެ އާއިލާއިން އެދެއެވެ.
އެކަންޓުން ނަން: އައިމިނަތު އަސްރާ
އެކައުންޓް ނަމްބަރ (ރުފިޔާ) : 7730000142133
އެކައުންޓް ނަމްބަރ (ޑޮލަރު) : 7730000256391
ގުޅޭނެ ނަމްބަރ: 7795796 ޔާސިރު އަޙުމަދު (އަސްރާގެ ފިރިމީހާ)
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
