588 ފޮށީގެ ތެރެއިން މިހާތަނަށް ވޯޓުލާން ފެށުނީ 585 ފޮށީގެ
ލިޔުންތެރިޔާ
ޚަދީޖާ އަރުފާ
ތިން އިންތިޚާބުގެ ވޯޓުލުން މިއަދު ކުރިއަށްދާއިރު އަދިވެސް 3 ފޮށީގެ ވޯޓުލުން ނުފެށޭކަން އިލެކްޝަންސް ކޮމިޝަނުން ހާމަކޮށްފިއެވެ.
މިއަދު ކުރިއަށްދަނީ ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓުގެ ވޯޓުލުމެވެ.
ވޯޓުލާން ފަށާ ގޮތަށް އޮތީ 8:00 ގައެވެ. ވޯޓު ކިޔު ބަންދުކުރާނީ 4:00 ގައެވެ. އޭގެ ފަހުން ވޯޓު ލާން ކިޔުއަށް ނޭރޭނެ ކަމަށާ ނަމަވެސް ކިޔުގައި ތިބޭ މީހުންނަށް ވޯޓު ލެވޭނެ ކަމަށް އިލެކްޝަންސް އިން ބުނެއެވެ.
މި އިންތިޚާބުގައި ޖުމްލަ 588 ފޮށި ބަހައްޓާފައިވާއިރު، މިހާތަނަށް ވޯޓުލާން ފެށުނީ އޭގެ ތެރެއިން ވޯޓުލާން 585 ފޮށީގެ ވޯޓުލުން ކަމަށް އީސީން ދާދި ދެންމެ އަކު ވަނީ ބުނެފައެވެ. އަދި 3 ފޮށީގެ ވޯޓުލުން ނުފެށެވެ.
ވޯޓުލުން ނުފެށިހުރި މަރުކަޒުތަކަކީ، އެ މަރުކަޒަކަށް ވޯޓުލުން ފެށުމަށް ބޭނުންވާ އާންމުންގެ ދެމީހުން ހާޒިރުނުވާ ތަންތަން ކަމަށްވެސް އެ ކޮމިޝަނުން ބުނެއެވެ.
އެއީ ކޮން ވޯޓު ފޮށިތަކެއް ކަން ހާމަކޮށްފައެއް ނުވެއެވެ.
މިއަދު ކުރިއަށްދާ އިންތިޚާބުގައި 294،876 މީހަކަށް ވޯޓުލުމުގެ ހައްގު ލިބިގެންވެ އެވެ. އެއީ 144،506 އަންހެނުންނާއި 150،370 ފިރިހެނުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
