ކ. އަތޮޅުން ފެށިގެން ވ. އަތޮޅަށް އޮރެންޖު އެލާޓް، ދަތުރުކުރުން މަނާ

ކ. އަތޮޅުން ފެށިގެން ވ. އަތޮޅަށް އޮރެންޖު އެލާޓް ނެރެފި އެވެ.

މެޓް އޮފީހުން ބުނީ ރާއްޖޭގެ މޫސުން ގޯސްވެ ކ. އަތޮޅުން ފެށިގެން ވ. އަތޮޅަށް އޮރެންޖު އެލާޓް ނެރެފައިވާ ކަމަށެވެ. އޮރެންޖް އެލާޓް ނެރުމުން އެ އަތޮޅުތަކުގައި ކަނޑުދަތުރުފަތުރު ނުކުރުމަށް ވަނީ އަންގާފަ އެވެ.

މުޅި ރާއްޖޭގެ މޫސުން ގޯސްވެ ބޮޑު ސަރަހައްދަކަށް މިއަދު ދަނީ ބޯކޮށްވާރޭވެހެމުންނެވެ.

މިރޭ އިރާކޮޅުން ފެށިގެން މެދުނުކެނޑި މާލެ ސަރަހައްދަށް ދަނީ ވަރަށް ބޯކޮށްވާރޭވެހެމުންނެވެ. އަދިވެސް މެދުކެނޑުމެއްނެތި ދަނީ ވެހެމުންނެވެ.

އެހެން ކަމުން ވަރަށް ބޮޑު ސަރަހައްދެއްގައި ފެން ބޮޑުވެ މިހާރު މާލޭގެ ބޮޑު ބައެއް އޮތީ ފެނު އަޑީގަ އެވެ.