ބިންހެލުން އައި ކަނޑުގެ ސަރަހައްދު..
ބިންހެލުން އައި ކަނޑުގެ ސަރަހައްދު..
ދުނިޔެ 21 Nov 2026 | 19:49

ބަންޑާ އަޗޭ ސަރަހައްދަށް ބާރުގަދަ ބިންހެލުމެއް އަތުވެއްޖެ

އިންޑިއާ ކަނޑުގެ ބަންޑާ އަޗޭ ސަރަހައްދަށް މިއަދު އައި ރިކްޓަރ މިންގަނޑުން 6.8 ގެ ބާރުގަދަ ބިންހެލުމެއް އަތުވެއްޖެއެވެ.

މި ބިންހެލުން އައިސްފައިވަނީ، މިއަދު މެންދުރުފަހު ރާއްޖެ ގަޑިން ގާތްގަނޑަކަށް 14:42 ހާއިރުއެވެ. ކަނޑުގެ 156 ކިލޯމީޓަރު އަޑިއަށް އައި މި ބިންހެލުން އައިސްފައިވަނީ ދެކުނު ލެޓިޓިއުޑް 8.04 އަދި އިރުމަތީ ލޮންޖިޓިއުޑް 127.57 ސަރަހައްދަށެވެ. ބިން ހެލުން އައި ނަމަވެސް ސުނާމީއެއް އުފެދިދާނެކަމުގެ ބިރެއް ނެތްކަމަށް ސްރީލަންކާގެ މީޓިއޮރޮޖީން ވަނީ ހާމަކޮށްފައެވެ.

ބިންހެލުން އައިތާ ކުޑަވަގުތުކޮޅެއްގެ ތެރޭގައި، އެ ގައުމުގެ މޫސުމާ ބެހޭ އިދާރާއިން ވަނީ ޚާއްޞަ ބަޔާނެއް ނެރެފައެވެ. މި ބަޔާނުގައި ބުނެފައިވަނީ، ބިންހެލުމުގެ ސަބަބުން ލަންކާގެ އައްސޭރިފަށުގެ އެއްވެސް ސަރަހައްދަކަށް ސުނާމީގެ އަސަރުކޮށްފާނެ ކަމަށް ނުބެލެވޭ ކަމަށެވެ.

މި އިރުޝާދު ނެރެފައިވަނީ އިންޑިއާ ކަނޑުގެ ސަރަހައްދަށް އައި ބާރުގަދަ ލޮޅުމާއެކު، އައްސޭރިފަށުގައި ދިރިއުޅޭ ރައްޔިތުންގެ މެދުގައި އުފެދިދާނެ ކަންބޮޑުވުމަށް ބަލާފައިކަމަށް އެޤައުމުގެ ކަމާބެހޭ އިދާރާއިން ވަނީ ބުނެފައެވެ. މި ބިންހެލުމާ ގުޅިގެން ރާއްޖޭގެ މޫސުމާ ބެހޭ އިދާރާއިންވެސް ވަނީ އެކަން އެފަރާތުގެ ވެބްސައިޓްގައި ނޮޓިފައިކޮށްފައެވެ.

ބަންޑަ އަޗޭ ސަރަހައްދަށް މިހާތަނަށް އެންމެ ބާރުގަދަ އެއް ބިންހެލުމުގެ ގޮތުގައި ރެކޯޑް ކުރެވިފައިވަނީ 2004 ވަނަ އަހަރުގެ ޑިސެމްބަރުމަހުގެ 26 ވަނަ ދުވަހު އައި ބިންހެލުމެވެ. ރެކްޓަރ މިންގަނޑުން 9.3 ބާރުގަދަ އެ ބިންހެލުމުގައި އިންޑިއާ ކަނޑުގައި ސުނާމީއެއް އުފެދި ރާއްޖެއަށްވެސް ވަނީ ބޮޑެތި ގެއްލުންތަކެއް ލިބިފައެވެ. ރާއްޖެއަށް އެރި ސުނާމީ އެ ކާރިސާގައި އެތައް ބައެއްގެ ފުރާނަ ގެއްލުނުއިރު ބައެއް ދިވެހިން ވީއެއް ނުވީއެއް ނޭނގި ގެއްލުނެވެ. އަދި އުމްރާނީގޮތުންވެސް ބޮޑެތި ގެއްލުންތަކެއް ސުނާމީ ކާރިސާގައި ލިބުނެވެ، ސުނާމީ އެ ކާރިސާއަކީ ރާއްޖޭގެ ތާރީހުގައިވެސް ދިވެހިންނަށް ކުރިމަތިވި އެންމެ ގެއްލުންބޮޑު ޤުދުރަތީ ކާރިސާއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުން، ދަތިކުރުމުގެ ފިޔަވަޅު އަޅައިފި
21 Nov 2026 ދުނިޔެ

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުން، ދަތިކުރުމުގެ ފިޔަވަޅު އަޅައިފި

އީރާނުގެ އަސްކަރިއްޔާއަށް މާލީ އެހީތެރިކަން ފޯރުކޮށްދިނުމުގައި ބައިވެރިވި ކަމުގެ ތުހުމަތުގައި، އީރާނުގެ ބައެއް ރައްޔިތުންނާ ދެކޮޅަށް އެމެރިކާއިން ދަތިކުރުމުގެ ފިޔަވަޅު އަޅައިފިއެވެ. މިކަން ހާމަކޮށްފައިވަނީ އެމެރިކާގެ ސްޓޭޓް ޑިޕާޓްމަންޓުން ނެރުނު ބަޔާނެއްގައެވެ.

އަސާސީ ގިނަ ބޭސްތަކެއް ހުސްވެ ދެކުނު އެފްރިކާގެ ސިއްހީ ނިޒާމު ނުރައްކަލަށް
21 Nov 2026 ދުނިޔެ

އަސާސީ ގިނަ ބޭސްތަކެއް ހުސްވެ ދެކުނު އެފްރިކާގެ ސިއްހީ ނިޒާމު ނުރައްކަލަށް

ސައުތު އެފްރިކާގެ ސަރުކާރު ހޮސްޕިޓަލްތަކުން ޟަރޫރީ އެތައް ބޭހެއް ހުސްވެ، އެ ޤައުމުގެ ޢާންމު ޞިއްޙީ ނިޒާމަށް ބޮޑު ނާޒުކު ޙާލަތެއް ކުރިމަތިވެއްޖެއެވެ. އެ ޤައުމުގެ ކަމާބެހޭ އިދާރާތަކުން ހާމަކޮށްފައިވާ ގޮތުގައި، ސަރުކާރުގެ ޞިއްޙީ މަރުކަޒުތަކުން ފަންސާހަށްވުރެ ގިނަ މުހިންމު އަސާސީ ބޭސް މިހާރު ވަނީ އެއްކޮށް ހުސްވެފައެވެ.

ވިހަ ބަންގުރާ ބޮއެގެން އިންޑިއާގައި 11 މީހުން މަރުވެ، ގިނަ ބަޔަކު އެޑްމިޓްކޮށްފި
21 Nov 2026 ދުނިޔެ

ވިހަ ބަންގުރާ ބޮއެގެން އިންޑިއާގައި 11 މީހުން މަރުވެ، ގިނަ ބަޔަކު އެޑްމިޓްކޮށްފި

އިންޑިއާގެ އިރުއުތުރުގެ ސްޓޭޓެއް ކަމަށްވާ މަނީޕޫރުގައި، ސިއްހަތަށް ނުރައްކާތެރި މާއްދާތަކެއް އެކުލެވޭ ބަންގުރާ ބޮއެގެން 11 މީހުން މަރުވެ، 180 އަށްވުރެ ގިނަ މީހުން ހާލުބޮޑުވެގެން ހޮސްޕިޓަލުގައި އެޑްމިޓްކޮށްފިއެވެ.

ޔަމަނުގެ ދެ ސަރަހައްދަކަށް ސައުދީން ހަމަލާދީފި
21 Nov 2026 ދުނިޔެ

ޔަމަނުގެ ދެ ސަރަހައްދަކަށް ސައުދީން ހަމަލާދީފި

އަލް މަސީރާ ޓީވީން ރިޕޯޓްކޮށްފައިވާ ގޮތުގައި، ސައުދީން ހަމަލާދީފައިވަނީ ޔަމަނުގެ ތައީޒްގައި ހުންނަ ދެ ސަރަހައްދަކަށެވެ.