ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ
ހުޅުމާލެ ފޭސް 2 ސަރަހައްދުގައި މިރޭ ހަވާ އެރުވުމަށް ތާވަލްކޮށްފިއެވެ.
މިކަމާ ގުޅިގެން އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ، ހުޅުމާލެ ފޭސް 2 ސަރަހައްދުގައި މިރޭ ވިޔަފާރީގެ އުސޫލުން ހަވާއެރުވުމުގެ ހަރަކާތެއް ބޭއްވުމަށް ނިންމާފައިވާކަމަށެވެ.
ހަވާއެރުވުން ކުރިއަށްދާނީ މިރޭ 19:30 އާއި 20:30 އާ ދެމެދުގެ ވަގުތެއްގައި ގައެވެ. ހަވާއެރުވުން ކުރިއަށްދާނީ 7 މިނެޓެއްހާއިރަށެވެ.
ރާއްޖޭގައި ހަވާ އެރުވުމުގެ މަސައްކަތް ވިޔަފާރި އުސޫލުން ކުރަނީ ސިފައިންގެ ޖަމިއްޔާ، ސިފްކޯގެ ފަރާތުންނެވެ. މިނެޓަކަށް ހަވާ އަރުވާނަމަ 600 ޑޮލަރު ދޭން ޖެހޭއިރު، އެއީ ދިވެހި ފައިސާއިން ބަލާނަމަ 9252 ރުފިޔާއެވެ. ދެމިނިޓަށް ނަމަ 1200 ޑޮލަރު ހޭދަކުރަން ޖެހެއެވެ.
މީގެ ކުރިން ހަވާ އަރުވައި އުޅެނީ، ސަރުކާރުގެ ނިންމުމަށް މުހިންމު މުނާސަބަތު ތަކާއި ގުޅުވައިގެނެވެ. ނަމަވެސް، މިހާރު އަމިއްލަ ފަރާތްތަކުންވެސް ސިފްކޯ މެދުވެރިކޮށް ހަވާއަރުވައެެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް