ޓޫރިޒަމުން މިއަހަރު އެންމެ ބޮޑު ކުރިއެރުމެއް ލިބުނު އެއް މާކެޓަކަށް އޮސްޓްރޭލިއާ
މިއަހަރުގެ މިހާތަނަށް ޓޫރިޒަމް ސިނާއަތުން އެންމެ ބޮޑު ކުރިއެރުމެއް ހޯދި އެއް މާކެޓަކަށް އޮސްޓްރޭލިއާ މާކެޓް ވެއްޖެއެވެ.
ޓޫރިޒަމްގެ ތަފާސްހިސާބުތަކަށް ބަލާއިރު މިއަހަރު އެންމެ ބޮޑު ކުރިއެރުމެއް ހޯދި އެއް މާކެޓަކީ އޮސްޓްރޭލިއާ މާކެޓެވެ. މިހިނގާ ނޮވެމްބަރުމަހުގެ 18 ވަނަ ދުވަހުގެ ނިޔަލަށް އޮސްޓްރޭލިއާއިން ރާއްޖެ އަށް 43,886 ފަތުރުވެރިން ވަނީ ޒިޔާރަތްކޮށްފައެވެ. މިއީ މިއަހަރު ރާއްޖެއަށް ޒިޔާަރތްކުރި ފަތުރުވެރިންގެ 2.4 އިންސައްތައެވެ.
މިއަހަރުގެ މިހާތަނަށް އޮސްޓްރޭލިއާ ރޭންކު ކުރެވިފައިވަނީ ރާއްޖެއަށް 7 ވަނަ އަހަށް އެންމެ ގިަނ ފަތުރުވެރިން ޒިޔާރަތްކުޔި މާކެޓްގެ ގޮތުގައެވެ. މިދިޔަ އަހަރު މި މުއްދަތުގެ ތެރޭގައި އެޤައުމު ރޭންކު ކުރެވިފައިވަނީ 11 ވަނައިގައެވެ.
މިއަހަރު އޮސްޓްރޭލިއާ މާކެޓުން ރާއްޖެއަށް ޒިޔާރަތްކުރި ފަތުރުވެރިންގެ އަދަދު އިތުރުވި މައިގަނޑު އެއް ސަބަބަކީ ޤައުމީ އެއާލައިން މޯލްޑިވިއަނުން މެލްބަންއަށް ދަތުރުތައް ފެށުމެވެ. މޯލްޑިވިއަނުން އޮސްޓްރޭރިއާއަށް ދަތުރުތައް ފަށާފައިވަނީ، މެއިަމހުގެ 17 ވަނަ ދުވަހުއެވެ.
އޮސްޓްރޭލިއާއަކީ ރާއްޖޭގެ ފަތުރުވެރިކަމުގެ ސިނާއަތުގައި ވަރަށް ގިނަދުވަސްވީ މާކެޓެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް