މިއަންނަ އަހަރު ހުރިހާ ދުވަހެއްގައިވެސް ކައިވެނި ކޮށްދޭން ފެމިލީ ކޯޓުން ނިންމައިފި
މިފެށޭ 2024 ވަނަ އަހަރުގެ ހުރިހާ ދުވަހެއްގައި ވެސް ކައިވެނި ކޮށްދިނުމަށް އާއިލާއާއި ބެހޭ ކޯޓުން ނިންމައިފިއެވެ.
އެ ކޯޓުން ނެރެފައިވާ އިޢްލާނެއްގައި ބުނެފައިވަނީ 2024 ވަނަ އަހަރު ހުރިހާ ދުވަހެއްގައި ވެސް ކައިވެނި ކޮށްދޭން ނިންމައިފައިވާ ކަމަށެވެ.
އަދި ކައިވެނި ކޮށްދޭ ގަޑިތައް ވެސް ވަނީ ހާމަކޮށްފައެެވެ.
އެގޮތުން ރަސްމީ ދުވަސްތަކުގައި ހެނދުނު 9:00 ން 11:30 އަށް އަދި މެންދުރު 13:00 ން 13:30 ގެ އިތުރުން މެންދުރުފަހު 15:00 ން 21:00 އަށް ވެސް ކައިވެނި ކޮށްދޭން ހަމަޖެހިފައިވެއެވެ.
ކޯޓުން ބޭރުގައި ކައިވެނި ކޮށްދޭނެ ކަމަށް ބުނެފައިވަނީ ހަފްތާގެ ކޮންމެ ދުވަހެއްގެ 15:00 ން 21:00 އަށެވެ.
މީގެ އިތުރުން ރިސޯޓް ނުވަތަ ސަފާރީ ފަދަ ތަންތަންތަނުގައި ކައިވެނިކޮށްދޭ ގަޑި ހަމަޖައްސާނީ އެކަމަށް އެދި ހުށަހެޅުމުން، ވަގުތައް ރިޢާޔަތްކޮށްފައި ކަމަށް ވެސް ބުނެފައިވެއެވެ.
މީގެ އިތިުރުން 1445 ވަނަ އަހަރުގެ ރަމަޟާން މަހާއި ޝައްވާލު މަހުގެ ފުރަތަމަ 7 ދުވަހު ކައިވެނި ކޮށްދޭނެ ގަޑިތައް ފަހުން އިޢްލާނު ކުރާނެ ކަމަށް ވެސް ބުނެފައިވެއެވެ.
މި އަހަރުގެ ބައެއް ދުވަސް ދުވަހު ކައިވެނިނުކޮށްދޭން އާއިލާ އާއި ބެހޭ ކޯޓުން ވަނީ ނިންމައިފައެވެ. ނަމަވެސް މި އަހަރާއި ޚިލާފަށް މިފެށޭ އައު އަހަރުގެ ހުރިހާ ދުވަހެއްގަައި ކައިވެނި ކޮށްދޭން އެ ކޯޓުން މިވަނީ ނިންމަފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
