އައިޔޫއެމުން އިން ވަގަށްނެގި ލެޕްޓޮޕްތައް ހޯދައި، 8 މީހަކު ހައްޔަރުކޮށްފި
ލިޔުންތެރިޔާ
ޝަފްރާޒް އަހްމަދު
އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) ގެ އިމާރާތުން ވަގަށް ނެގި އައިޔޫއެމްގެ އިމްތިހާނު ކަރުދާސްތަކުގެ ސޮފްޓް ކޮޕީ ހުރިކަމަށްބުނާ ލެޕްޓޮޕްތައް ހޯދައި، އެ މައްސަލައާ ގުޅިގެން ދިވެހި ތިން ފިރިހެނަކައި ފަސް ބިދޭސީއަކު ފުލުހުން ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވާ ގޮތުގަައި ކޯޓުންވަނީ ހައްޔަރުކުރި ތިން ދިވެހިންގެ ބަންދުގެ މުއްދަތެއްގެ ގޮތުގައި 10 ދުވަސް ޖަހާފައެވެ.
އަދި ހައްޔަރުކުރި ފަސް ބިދޭސީންނަކީ ދިވެހިރާއްޖޭގެ އިމިގްރޭޝަން ގާނޫނާއި ހެދިފައިވާ ބައެއް އެހެން ގާނޫނުތަކާ ހިލާފަށް އުޅެމުންދާ ބަޔަކަށްވާތީ މިމީހުން އިމިގްރޭޝަނައި ހަވާލުކުރުމަށް ނިންމާފައިވާ ކަމަށްވެސް ފުލުހުންގެ މީޑިއާ އޮފިޝަލް ވިދާޅުވިއެވެ.
އައިޔޫއެމްގެ ހަތަރުވަނަ ފަންގިފިލާގައި ހުރި ލެޕްޓޮޕްތަކެއް ވަގަށް ގެންގޮސްފައިވާކަމަށް ބުނެ މިމައްސަލަ ފުލުހުންނަށް ހުށައެޅިފައިވަނީ މިދިޔަ ހޯމަ ދުވަހު ކަމަށް މައުލޫމާތު ލިބެއެވެ.
ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓާއި، އިންޓެލިޖެންސާ ގުޅިގެން ހިންގި އޮޕަރޭޝަނެއްގައި ވަގަށް ނަގާފައިވާ ލެޕްޓޮޕްތަކާއެކު ބައެއް އިލެކްޓްރޯނިކް ސާމާނުވެސްވަނީ ހޯދާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
