ވޯލްޑްކަޕަށް ޗައިނާއިން ގަތަރަށް ހަދިޔާކުރީ ސުހެއިލް އާއި ސުރައްޔާ
އަރަބި ގައުމުތަކުގެ ތެރެއިން ފުރަތަމަ ފަހަރަށް ދެ ޕެންޑާ ގެންގުޅޭ ގައުމަކަށް ވޯލްޑްކަޕް ބާއްވަން ތައްޔާރުވާ ގަތަރު ވެއްޖެއެވެ.
މިއީ ޗައިނާ ސަރުކާރުން ގަތަރަށް ހަދިޔާކުރި ދެ ޕެންޑާއެވެ. މި ދެ ޕެންޑާއަށް ގަތަރުން ދީފައިވާ ނަންތަކަކީ ސުހެއިލް އަދި ސުރައްޔާ އެވެ.
މި ދެ ޕެންޑާވެސް ބެހެއްޓުމަށް ނިންމާފައިވަނީ ލަގްޒަރީ، އޭސީ ކޮށްފައިވާ ހާއްސަ ތަނެއްގައެވެ. މީގެތެރެއިން އެއް ޕެންޑާއަށް ހަތަރު އަހަރު ވެފައިވާއިރު އަނެއް ޕެނަްޑާއަށް ތިން އަހަރު ވަނީ ވެފައެވެ.
މި ޕެންޑާތައް ދައްކާލުމަށް ގަތަރުގައި ވަނީ ހާއްސަ ރަސްމިއްޔާތެއް ބާއްވާފައެވެ. ގަތަރުގެ ވެރިރަށް ދޯހާ އާއި 50 ވަރަކަށް ކިލޯމީޓަރު ދުރުގައި ހުންނަ އަލް ކޯރު ޕާކުގައި ބޭއްވި މި ރަސްމިއްޔާތުގައި ގިނަ އަދަދެއްގެ ކުޑަކުދިން ބައިވެރިވިއިރު ޗައިނާ ސަރުކާރުގެ އިސް އޮފިޝަލުން ވެސް ބައިވެރިވިއެވެ.
ޕެންޑާ ތަކުގެ ތެރެއިން ސުހެއިލް ގެ އުމުރަކީ ހަތަރު އަހަރެވެ. އަދި ސުރައްޔާ ގެ އުމުރަކީ ތިން އަހަރެވެ.
ޗައިނާ ސަރުކާރުން ހަދިޔާކުރި މި ދެ ޕެންޑާއަކީ އަންނަ މަހުގެ 20 ގައި ފެށުމަށް ތައްޔާރުވާ ވޯލްޑްކަޕާއި ދިމާކޮށް އެ ގައުމަށް ހަދިޔާކުރި ދެ ޕެންޑާއެވެ.
ރިޕޯޓުތައް ބުނާގޮތުން ގަތަރުން ވަނީ މި ދެ ޕެންޑާވެސް އާންމުކޮށް ހުޅުވާލައިގެން ބާއްވާ ހާއްސަ އިވެންޓުތަކާ ވޯލްޑްކަޕަށް ގަތަރަށް ޒިޔާރަތްކުރާ މެހެމާނުންނަށް ހާއްސަ ޕެކޭޖުތަކާއެކު ޕެންޑާ ޝޯތަކެއް ބާއްވަން ތައްޔާރުވެފައެވެ. އެކަމުގެ ޕްލޭންތައް މިހާރު އެ ގައުމުން ދަނީ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
