ގަރުނުގެ އެންމެ ރަނގަޅު ވޯލްޑް ކަޕް އަކަށް ގަތަރުގައި ބޭއްވުނު ވޯލްޑް ކަޕް

21 ވަނަ ގަރުނުގައި ބޭއްވުނު އެންމެ ފެންވަރު ރަނގަޅު ވޯލްޑް ކަޕް އަކަށް މިއަހަރު ޤަތަރުގައި ބޭއްވުނު ވޯލްޑްކަޕް ހޮވިއްޖެ އެވެ.

ގަރުނުގެ އެންމެ ރަނގަޅު ވޯލްޑް ކަޕް އަކަށް ގަތަރުގައި ބޭއްވުނު ވޯލްޑް ކަޕް ހޮވިފައިވަނީ، ބީބީސީގެ ސްޕޯޓްސް ނިޔުސް އިން ނެގި ޕޯލް އަކުންނެވެ.

އާއްމުންނަށް ވޯޓު ލުމުގެ ފުރުސަތު ހުޅުވާލައިގެން އޮންލައިންކޮށް ކުރިއަށް ގެންދިޔަ މި ޕޯލް އިން، "ގެސްޓް ވޯލްޑް ކަޕް އޮފް ދަ ސެންޗުރީ" އަށް ގަތަރު ހޮވިފައިވަނީ ވޯޓުގައި ބައިވެރިވި %78 މީހުންގެ ވޯޓުންނެވެ.

މި ޕޯލް ގައި ގަތަރާއި އެންމެ ކައިރިން ވާދަކުރި ޖަޕާން/ސައުތް ކޮރެއާ އަށް ލިބިފައި ވަނީ %6 ވޯޓެވެ. އެގައުމުގައި ވޯލްޑްކަޕް ބާއްވައިފައިވަނީ 2002 ވަނަ އަހަރުއެވެ. ބީބީސީގެ ޕޯލް އިން ތިންވަނަ 2014, ވަނަ އަހަރު ވޯލްޑްކަޕް ބޭއްވި ބްރެޒިލް ހޮވިފައިވާއިރު، އެ ގައުމުގައި ބޭއްވި ވޯލްޑް ކަޕް އަށް ލިބިފައި ވަނީ %5 އެވެ.

އެންމެ ރަނގަޅު ވޯލްޑް ކަޕް އެއް ހޮވުމަށް ބީބީސީން ހުޅުވާލި މި ޕޯލް އިން ބޮޑުތަނުން ގަތަރު ކުރިހޯދާފައިވާއިރު، ބީބީސީއަކީ ފެށުނީއްސުރެ ވެސް ގަތަރުގައި ވޯލްޑް ކަޕް ބޭއްވުމާއި ދެކޮޅު ހަދައި، ގަތަރުގައި ބޭއްވި ވޯލްޑް ކަޕް އަށް އެންމެ ބޮޑަށް ފާޑުކީ ހުޅަނގުގެ މީޑިއާ އެވެ. އެގޮތުން، ވޯލްޑްކަޕް ހުޅުވުނު ގެ ރަސްމިއްޔާތު ވެސް އެ ޗެނަލުން ލައިވް ނުކުރާއިރު، އެ ރަސްމިއްޔާތާއި، ވޯލްޑްކަޕް ގައި ގަތަރުން ފެން ގުޅުނު އުސޫލުތަކަށް ވެސް އެ ނޫހުން ވަނީ ވަރަށް ބޮޑަށް ފާޑުކިޔާފައެވެ.