ވޭޕް ފްލޭވަރ ތަކުގައި ކެނަބިސް ހުރިކަމަށް ޔަގީންވާ އެތައް ކޭސްތަކެއް މީގެ ކުރިން ވަނީ ފެނިފައި: އިހްސާން
ވޭޕް ފްލޭވަރ ތަކުގައި ކެނަބިސް ހުރިކަމަށް ޔަގީންވާ އެތައް ކޭސްތަކެއް މީގެ ކުރިން ފެނިފައިވާކަމަށް ދާޚިލީ ސަލާމަތާއި ފަންނިއްޔާތާއި ބެހޭ ވަޒީރު އަލީ އިހްސާން ވިދާޅުވެއްޖެއެވެ.
އިހުސާން މިފަދައިން ވިދާޅުވީ، މަސްތުވާތަކެތި ހުރި ކަމަށް ބުނެ ކަސްޓަމްސްއިން ހުއްޓުވި ވޭޕް ފްލޭވަރ ތަކާއި ގުޅޭ ތަހުގީގެއް ފުލުހުން ހިންގުމަށްފަހު، އެތަކެތި މަސްތުވާތަކެއްޗަށް ނެގެޓިވް ވެފައިވާކަން ހާމަކުރުމާއި ގުޅިގެން އެކްސްގައި ކުރެއްވި ޕޯސްޓެއްގައެވެ.
މިގޮތުން އިހުސާން ވިދާޅުވީ، އެއާޕޯޓްގައި ކަސްޓަމްސް އަށް ޝައްކުކުރެވޭ ޕްކޭޖްތައް ރެޕިޑް ޓެސްޓްކޮށް، ޕޮސިޓިވްވާނަމަ އެތަކެތި ހިފެހެއްޓި ތަހުގީގަށް ހަވާލުކުރެވޭކަމަށެވެ.
މިގޮތުން މި ވޭޕް ޝިޕްމަންޓް ވެސް ޓެސްޓް ކުރެވުނުކަން ފާހަގަކުރައްވާ އިހުސާން ވަނީ ކެނެބިސްއަށް އެ ދުވަހު ހެދި ރެޕިޑް ޓެސްޓުން މިތަކެތި ޕޮސިޓިވް ވެފައިވާކަން ހާމަވާ ފޮޓޯއެއް ވެސް ހިއްސާކުރައްވާފައެވެ.
އެހެންނަމަވެސް، އާއްމު އުސޫލުން މި ތަކެތި ތަގުގީގަށް ފުލުހުންނާއި ހަވާލުކުރެވި، ލެބޯޓަރީ ޓެސްޓް ހަދާކަމަށާއި، މިކަމަށްޓަކައި 2-7 އާއި ދެމެދުގެ މުއްދަތެއް ހޭދަވާއިރު، މި ޓެސްޓާއި ރެޕިޑް ޓެސްޓްގެ ނަތީޖާ ދިމާވާނަމަ އިތުރަށް ކޮންފަމޭޓަރީ ޓެސްޓްތައް ހަދާކަމަށް އިހުސާން ވިދާޅުވިއެވެ.
އިހުސާން ވިދާޅުވީ، ތަހުގީގަށް ނަތީޖާ ބޭނުންކުރާނީ ކޮންފަމޭޓަރީ ޓެސްޓް ހެދުމަށްފަހު ޝައްކެއް ނެތް މިންވަރަށް ޔަގީންވުމުން ކަމަށާއި، އެކި މީޑިއާ ތަކުން މި ޝިޕްމެންޓްގެ ވެރިފަރާތިގެ މައުލޫމާތު ހޯދަން އެދުމުން އޭރު އެމައުލޫމާތު ހާމަނުކުރެއްވީ ލެބޯޓަރީ ކޮންފަމޭޝަން ނުލިބޭތީ ކަމަށެވެ.
މީގެ އިތުރުންވެސް، އިހުސާން ވިދާޅުވީ، އެ ދުވަހު ހިފެހެއްޓުނު ޝިޕްމެންޓްގެ ވާހަކަ ހިއްސާކުރުމަށް ނިންމެވީ 2023 އާއި 2024 ވަނަ އަހަރުވެސް މިފަދަ ވޭޕް އޮއިލް ޝިޕްމެންޓެއްގައި ކެނަބިސް ހުރިކަން ޔަގީން ކުރެވިފައިވާތީ، މިއީ މުޖުތަމަރުގެ ކަނބޮޑޫވުން އޮތް މައްސަލައަކަށް ވުމުން ކަމަށެވެ.
ފުލުހުން ހާމަކުރެއްވި މައުލޫމާތުން އެނގިގެންދަނީ މިކަމުގައި ހުރި ހާމަކަން ބޮޑު ކަމާއި އިންސާފުވެރިކަން ކަމަށް ވިދާޅުވެ، އިހުސާން ވަނީ ރައްޔިތުންގެ ސަލާމަތާއި ރައްކާތެރިކަމަކީ އެންމެ އިސްކަންދޭ ކަމަށްވާއިރު، ކުރިއަށް އޮތް ތަނުގައި ވެސް މިފަދަ ކަންކަމުގައި އަމަލުކުރާނީ މިފަދައިންކަން ފާހަގަކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
