ގްރިޒްމަންގެ 2 ލަނޑާއެކު އެޓްލެޓިކޯ މެޑްރިޑް މޮޅުވެއްޖެ

ޗެންޕިއަންސް ލީގުގައި ކްލަބް ބުރޫޖާއި ބައްދަލުކޮށް 3 ލަނޑު 1 ލަނޑުން އެޓްލެޓިކޯ މެޑްރިޑް މޮޅުވެއްޖެއެވެ. އެޓްލެޓިކޯގެ ފަރާތުން މޮޅުކުޅުމެއް ފެނުނު މި މެޗުގައި އެޓްލެޓިކޯގެ ފުރަތަމަ ލަނޑު އެޓީމަށް ކާމިޔާބު ކޮށްދީނީ ލެމަރ ދިން ބޯޅަ އަކުން މެޗުގެ 28 ވަނަ މިނެޓުގައި ގްރިޒްމަންއެވެ.

މެޗުގެ 39 ވަނަ މިނެޓުގައި ބުރޫޖްގެ އަރްނައުޓް ލަނޑެއްޖަހައި ނަތީޖާ ހަމަހަމަ ކޮށްދިނެވެ. ނަމަވެސް މެޗުގެ 67 ވަނަ މިނެޓުގައި އެޓްލެޓިކޯއަށް މެޗުގެ ކުރި ހޯދަދިނީ އަނެއްކާވެސް ގްރިޒްމަންއެވެ. މި ލަނޑު ގްރިޒްމަން ޖެހީ ޑިއޭގޯ ދިން ޕާހަކުންނެވެ.

90 ވަނަ މިނެޓުގައި އެޓްލެޓިކޯގެ ލީޑް ފުޅާކޮށް ދިނީ މި މެޗުގައި މޮޅު ކުޅުމެއް ދެއްކި ގްރިމަން ދިން ބޯޅައަކުން ކޯކޭއެވެ.

މި ގުރޫޕް ގައި ކުޅުނު އަނެއް މެޗުން ބުރޫޝިއާ ޑޯޓްމަންޑްވެސް ވަނީ މޮޅުވެފައެވެ. މޮނާކޯއާއި ދެކޮޅަށް ކުޅުނު މެޗު ޑޯޓްމަންޑް ކާމިޔާބު ކުރީ ފަސޭހަކަމާއެކު 3 ލަނޑު 0 ލަނޑުންނެވެ.

ޑޯޓްމަންޑްގެ ލަނޑުތައް ޖަހާދީފައިވަނީ ޖޭކޮބް، އަލްސެސަރ، އަދި ކެޕްޓަން ރިއުސްއެވެ.

ޑޯޓްމަންޑް އަދި އެޓްލެޓިކޯ ވަނީ ޗެންޕިއަންސް ލީގުގައި ކުޅުނު ދެމެޗުންވެސް މޮޅު ވެފައެވެ. ގުރޫޕްގެ އެއްވަނަ ޑޯޓްމަންޑަށް ލިބެނީ ލަނޑުގެ ތަފާތުންނެވެ.