މާރާމާރީ ހިންގި ދެ އަންހެން ކުދިން ހައްޔަރުކޮށްފި
ލިޔުންތެރިޔާ
ޝަފްރާޒް އަހްމަދު
މީސް މީޑިއާގައި އާންމުވި ވީޑިއޯއެއްގައި އަންހެން ގްރޫޕަކުން އަންހެން ކުއްޖަކަށް އަނިޔާކުރި މައްސަލާގައި އަންހެނަކާ، ކުޑަކުއްޖެ ހައްޔަރުކޮށްފިއެވެ.
ފުލުހުން ހާމަކުރިގޮތުގައި އޮގަސްޓް 24 ވަނަ ދުވަހު ސޯޝަލް މީޑިއާގައި އަންހެން ކުދިން ތަކެއް ބައިވެރިވެގެން ކުޑަ އަންހެން ކުއްޖެއްގެ ގައިގާ ތަޅައި މާރާމާރީ ހިންގާ މަންޒަރު ފެންނަ ވީޑިއޯއާ ގުޅިގެން ކޯޓް އަމުރެއްގެ ދަށުން 18 އަހަރުގެ އަންހެން ކުއްޖަކާއި 17 އަހަރުގެ އަންހެން ކުއްޖަކު ފުލުހުންގެ ބެލުމުގެ ދަށަށް ގެނެވިފައިވާ ކަމަށެވެ.
އަންހެން ކުދިންތަކެއް ވެގެން އަނިޔާ ކޮށްފައިވަނީ ގދ.ތިނަދޫ / އާބާދުވާދީ، ނަޝްފާ ހަސަން (15އ) އަށެވެ.
ސޯޝަލް މީޑިއާގައި އާންމުވި ވީޑިއޯގައި ތިން އަންހެން ކުދިން ވެގެން އެއް އަންހެން ކުއްޖެއްގެ މޫނުމަތީ ޖަހައި، ކޮއްޕައި އަދި ހުތުރު ބަހުން އެއްޗެހި ކިޔާ ހަދާތަން ފެނެ އެވެ.
އެނގިފައިވާ ގޮތުގައި އެ ވީޑީއޯ އަކީ މިދިޔަ މޭމަހު ނަގާފައިވާ ވީޑިއޯ އެކެވެ. އެ ވީޑިއޯ އާންމުވުމާ ގުޅިގެން ފުލުހުން ކުރި ޓްވީޓެއްގައި ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
