މިދިޔަ އަހަރު ނިމުނުއިރު އިޤްތިސާދުގައި ދައުރުކުރަން ނެރުނު ފައިސާގެ އަދަދު 4.1 ބިލިއަން ރުފިޔާގައި!
ލިޔުންތެރިޔާ
އަބްދުﷲ ހުސައިން
މިދިޔަ އަހަރު ނިމުނުއިރު ރާއްޖޭގެ އިޤްތިސާދުގައި ދައުރުކުރަން ނެރުނު ފައިސާގެ އަދަދު 4.1 ބިލިއަން ރުފިޔާއަށް އަރާކަމަށް މަރުކަޒީ ބޭންކުގެ މިދިޔަ އަހަރުގެ އަހަރީ ރިޕޯޓުން ދައްކައިފިއެވެ.
މޯލްޑިވްސް މަނިޓަރީ އޮތޯރިޓީ، އެމްއެމްއޭއިން ނެރެފައިވާ މިދިޔަ އަހަރުގެ އަހަރީ ރިޕޯޓަށް ބަލާއިރު މިދިޔަ އަހަރު ނިމުނުއިރު، އިގްތިސާދުގައި ދައުރުވާ ދިވެހި ފައިސާގެ އަދަދު 4.1 ބިލިއަން ރުފިޔާގައި ހުރިއިރު، މިއީ އޭގެ ކުރީ އަހަރާ އަޅާބަލާއިރު، 4.5 އިންސައްތައިގެ އިތުރުވުމެކެވެ. މިދިޔަ އަހަރު އިގްތިސާދުގައި އެންމެގިނައިން ދައުރުކުރުމަށް ނެރެފައިވަނީ، 500 ރުފިޔާގެ ނޫޓެވެ. ދެން އެންމެ ގިނަ އަދަދަކަށް ނެރެފައިވަނީ 1000 ގެ ނޫޓެވެ. ތިންވަނައަށް އެންމެ ގިނައީ 100 ރުފިޔާގެ ނޫޓެވެ.
ވަކިލާރިއަށް ބަލާއިރު، އެންމެގިނައިން ދައުރުކުރުމަށް ނެރެފައިވަނީ 1 ރުފިޔާއެވެ. އެއީ ދައުރުވާ ވަކިލާރީގެ 50.9 އިންސައްތައެވެ. ދެވަނައަށް އެންމެބޮޑަށް ދައުރުކުރުމަށް ނެރެފައިވަނީ 2 ރުފިޔާއެވެ. އެއީ 33.5 އިންސައްތައެވެ. އަދި ތިންވަނައަށް 50 ލާރިއެވެ.
ރާއްޖޭގެ އިޤްތިސާދުގައި ދައުރުވާ ފައިސާގެ ތެރެއަށް ވަކިލާރިނެރޭވަރު އިތުރުވެފައިވަނީ، ޖީއެސްޓީ ތައާރަފްކުރުމާ ގުޅިގެންނެވެ. ނަމަވެސް މިހާރު މޯބައިލް ބޭންކިންއާއި އެފަދަ ވަސީލަތްތައް މެދުވެރިކޮށް ފައިސާ ޓްރާންސްފާ ކުރުރުން އިތުރުވުމާއެކު، ވަކިރުފިޔާގެ ފިޒިކަލް މުއާމަލާތްތައް ދަށްވަމުން އަންނަކަމަށް މަރުކަޒީ ބޭންކުން ފާހަގަކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
