އިންޑިޔާއަށް ކުޑައިމީސްކޮށް އެކްސް ޕޯސްޓްކުރި ޑެޕިޔުޓީ މިނިސްޓަރުން ސަސްޕެންޑު ކޮށްފި
އިންޑިޔާއަށް ކުޑައިމީސްކޮށް އެކްސް ޕޯސްޓްކުރި ޑެޕިޔުޓީ މިނިސްޓަރުން ސަސްޕެންޑު ކޮށްފިއެވެ.
މަޢުލޫމާތު ލިބިފައިވާ ގޮތުގައި އެ މައްސަލާގައި ގުޅިގެން ސަސްޕެންޑްކޮށްފައި ވަނީ ޑެޕިއުޓީ މިނިސްޓަރުން ކަމުގައިވާ މަލްޝާ ޝަރީފާއި މަރިޔަމް ޝިއުނާ އަދި އަބްދުﷲ މަހްޒޫމް މާޖިދެވެ.
މިކަމާއި ގުޅިގެން މިއަދު ދިވެހި ދަޢުލަތުން ބަޔާނެއް ނެރެފައިވާ އިރު އެ ބަޔާނުގައި ބުނެފައިވަނީ، ބައިނަލްއަޤްވާމީ ގުޅުންތަކަށް ހީނަރުކަން އަންނަފަދަގޮތަށް ސޯޝަލް މީޑިއާގައި ޢަމަލުކުރާ ފަރާތްތަކާމެދު ފިޔަވަޅުއެޅުމަށް ފަސްނުޖެހޭނެކަމަށެވެ.
ސަރުކާރުން މިހެން ބުނެފައި މިވަނީ އިންޑިއާގެ ބޮޑުވަޒީރާއި އިންޑިއާއަށް އިޙްތިރާމްކުޑަވާގޮތަށް ބައެއް ދިވެހިން ސޯޝަލް މީޑިއާގައި ފާޅުކޮށްފައިވާ ޚިޔާލުތަކާގުޅިގެން ބައެއް ފަރާތްތަކުން ކަންބޮޑުވުން ފާޅުކުރަމުން ގެންދިއުމާއި ގުޅިގެންނެވެ.
ދިވެހި ޚާރިޖީއިން ނެރުނު ބަޔާނުގައި ބުނެފައިވަނީ، ބޭރު ޤައުމުތަކުގެ ބައެއް ލީޑަރުންނާއި އޮފިޝަލުންނަށް އިޙްތިރާމް ކުޑަވާ ގޮތަށް ސޯޝަލް މީޑިއާގައި އަމަލުކޮށްފައިވާކަން ސަރުކާރުގެ ސަމާލުކަމަށް އައިސްފައިވާ ކަމަށެވެ. ނަމަވެސް އެއީ އެ ފަރާތްތަކުގެ އަމިއްލަ ޚިޔާލާއި ވިސްނުން ކަމަށާއި، އެއީ ދިވެހި ސަރުކާރުގެ ވިސްނުމެއް ނޫންކަމަށެވެ.
މިއަދު މި ފަރާތްތަކާއި މެދު ފިޔަވަޅު އަޅާފައިވާއިރު ދިވެހި ސަރުކާރުގެ ބަޔާނުގައި ބުނެފައިވަނީ ޤައުމުތަކުގެ ލީޑަރުންނާއި އޮފިޝަލުންނާމެދު އިޙްތިރާމްކުޑަވާގޮތަށް ސޯޝަލް މީޑިއާގައި ޢަމަލުކުރާ ފަރާތްތަކާމެދު ސަރުކާރުގެ ކަމާ ގުޅުންހުރި އިދާރާތަކުން ފިޔަވަޅު އެޅުމަށް ފަސްނުޖެހޭނެކަމަށެވެ.
ސަރުކާރުގެ މަޤާމުތަކަށް މީހުން އައްޔަށް ކުރުމުގެ ކުރިންނާއި އަދި ފަހުންވެސް ރައީސް ޑރ. މުހައްމަދު މުއިއްޒު ވިދާޅުވެފައިވަނީ އެމަނިކުފާނުގެ ސަރުކާރުގެ މަޤާމުތަކަށް އައްޔަށްކުރާ ފަރާތްތައް ވަކިކުރަން ޖެހިއްޖެ ހާލަތެއްގައި އެކަން ކުރުމަށް ފަސްޖެހިވަޑައި ނުގަންނަވާނެކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
