ބިންވެރިޔާ ސްކީމުގެ ދަށުން ގޯތި ލިބުނު ފަރާތްތަކަށް ރަޖިސްޓްރީ ހަވާލުކުރަން ފަށައިފި
ނިމިދިޔަ ރައީސް އިބުރާޙިމް މުޙައްމަދު ޞާލިޙް ސަރުކާރުން ކުރިއަށް ގެންދިޔަ ބިންވެރިޔާ ސްކީމުގެ ދަށުން ގޯތި ލިބި ރަޖިސްޓްރީ ހަވާލު ނުކުރެވިވާ ފަރާތްތަކަށް ރަޖިސްޓަރީ ހަވާލުކުރުމުގެ މަސައްކަތް ފަށައިފިއެވެ.
މިނިސްޓްރީ އޮފް ހައުސިންގ އެންޑު އާރބަން ޑިވެލޮޕްމަންޓް މިނިސްޓްރީން ވިދާޅުވީ މިއަދުގެ 10.00 އިން ފެށިގެން އެމަސައްކަތް ކުރިއަށްދާކަމަށެވެ.
މިއަދު މި މި މަސައްކަތް ފެށިފައިވާ އިރު މި މަސައްކަތް ކުރިއަށްދާ ގޮތް ބައްލަވާ ލެއްވުމަށް ވުޒާރާގެ ވަޒީރު ޑރ. އަލީ ހައިދަރު ވެސް ވަނީ އެ ސަރަހައްދަށް ވަޑައިގަންނަވާފައެވެ.
ނިމިދިޔަ ރައީސް އިބުރާހިމް މުޙައްމަދު ޞާލިހުގެ ސަރުކާރުން ވަނީ ހުޅުމާލެ 2 އާއި އަލަށް ހިއްކާ ހުޅުމާލެ ތިނަކާއި ގުޅިފަޅާއި ގިރާވަރުފަޅުން 9،000 ގޯތި ދޭން ނިންމައިފައެވެ. އޭގެ ތެރެއިން ގިނަ މީހުންނަށް ރަޖިސްޓަރީ އަދި ބައެއް މީހުންނަށް ބިންތައް ވެސް ވަނީ އެސަރުކާރުން ހަވަލުކޮށްފައެވެ.
މި ސަރުކާރު ވެރިކަމަށް އައުމަށް ވެވަޑައިގެންނެވި އެއް ވައުދަކީ ނިމިދިޔަ ސަރުކާރުން ދޫކޮށްފައިވާ އެއްވެސް ގޯއްޗެއް އަދި ފުލެޓެއްވިޔަސް އަތު ނުލާނެކަމުގެ ވަޢުދެވެ. އަދި ރައީސް ޞާލިޙްގެ ސަރުކާރުން މޫދުންނާއި ފަޅުފަޅުން ދީފައިވަ ގޯތިތައް ހިއްކާ އެތަންތަނުގެ ޙައްޤުވެރި ފަރާތްތަކާއި ހަވާލުކުރާނެކަމުގެ ވަޢުދެވެ.
އެގޮތުން މިހާރު މި ސަރުކާރުންވަނީ ހުލުމާލެ ފޭސް 3 އާއި ގިރާވަރުފަޅާއި ގުޅީފަޅު ހިއްކަށް ފަށާފައެވެ. އަދި މީގެ އިތުރުން ރައީސްޑރ.މުހައްމަދު މުއިއްޒުގެ ސަރުކާރުން ވަނީ މާލޭގައި ދިރިއުޅޭ ރައްޔިތުންނަށް ބޯހިޔާވަހިކަން ހޯދައި ދިނުމަށް ބިޔަ ބޮޑު މަޝްރޫޢުއެއް "ރަސްމާލެ" ނަމުގައި ފުށިދިއްގަރު ފަޅުގައި ފައްޓާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
