ފޯރިގަދަ "އެލައިޑް ފެސްޓް" މިއަދާއި މާދަމާ އާޓިފިޝަލް ބީޗްގައި!

އެލައިޑް އިންޝުއަރަންސް ކުންފުނިން ކޮންމެ އަހަރަކުވެސް ބާއްވަމުންގެންދާ އާއިލީ ހަވީރު "އެލައިޑް ފެސްޓް"ގެ މި އަހަރުގެ 4 ވަނަ އެޑިޝަން މިއަދާއި މާދަމާ މާލޭގައި ބާއްވަން ތައްޔާރުވެއްޖެއެވެ.

މާލީ ބާރުވެރިކަމަށް ހޭލުންތެރިކޮށް، އާއިލާތަކަށް އުފާވެރި މަޖާ މާހައުލެއްގައި ވަގުތު ހޭދަކުރެވޭނެ ފަދަ ގިނަ ގޭމްތަކާއި އިނާމްތަކާއިއެކު ކުރިޔަށްގެންދާ މި ހަވީރު ބޭއްވުމަށް ހަމަޖެހިފައިވަނީ މިއަދު އަދި ހަވީރު 4:00 އިން 6:00 އަށް މާލޭ އާޓިފިޝަލް ބީޗްގައެވެ.

އެލައިޑުގެ 40 ވަނަަ އަހަރީ ދުވަހާއި ގުޅުވައިގެން ތިން ފަހަރެއްގެ މަތިން މި ހަރަކާތް މި އަހަރު ތެރޭގައި ބާއްވަން އެކުންފުނިން ވަނީ ނިންމާފައެވެ.

މިގޮތުން މި އަހަރުގެ ފުރަތަމަ އިވެންޓް ކުރިއަށް ގެންގޮސްފައި ވަނީ ކުޅުދުއްފުށި ސިޓީގައެވެ. ދެވަނަ އިވެންޓް ބާއްވާފައި ވަނީ އައްޑޫ ސިޓީގައެވެ. މި ދެ ސިޓީގައި ބޭއްވި އިވެންޓްގައިވެސް އެތައް ބަޔަކު ބައިވެރިވިއެވެ. އެންމެ ފަހުން ބޭއްވި އިވެންޓް ބާއްވާފައި ވަނީ ފުވައްމުލައް ސިޓީގައެވެ. ފުވައްމުލައް ސިޓީގައި ބޭއްވި އިވެންޓުގައި 3،000 އަށްވުރެ ގިނަ މީހުން ބައިވެރިވިއެވެ.

މިއަދާއި މާދަމާ އޮންނާނީ މި ހަރަކާތުގެ މި އަހަރުގެ ފަހު ބުރެވެ.

އެލައިޑުން މައުލޫމާތު ދޭގޮތުގައި "އެލައިޑް ފެސްޓް"އަކީއާއިލާތަކަށް ހާއްސަކޮށްގެންގެން އާއްމުކޮށް ކުރިއަށް ގެންދާ އިވެންޓެއް ކަމުން، އާއިލާތަކަށް ހާއްސަ ސޭވިން އަދި މާލީ ރައްކާތެރިކަން ހޯދޭނެ އިންޝުއަރަންސް ޕްލޭންތަކާއި ތަކާފުލް ޕްލޭންތަކާއި ގުޅުންހުރި މައުލޫމާތު ފޯރުކޮށްދިނުން ކުރިއަށް ގެންދާނެއެވެ.

މިފަހަރުގެ އެލައިޑް ފެސްޓް އިވެންޓްގައި

ކުޑަކުދިންނަށް ހާއްސަ ތަފާތު ގޭމްތައްޕްލޭ ޒޯންތަކާއި، ކްރިއޭޓިވް ކޯނާއެލައިޑްގެ ޕްރޮޑަކްޓްތަކަށް ހޭލުންތެރި ކުރުވަން ހާއްސަ ބޫތްކުޑަކުދިންނަށް ގިފްޓް ޕެކްހާއްސަ ލަކީ ޑްރޯ

އެލައިޑުން ބުނީ އާއްމުކޮށްވެސް އެލައިޑް ފެސްޓް އިވެންޓް ބާއްވާ ގޮތަށް، މިއަހަރުގެ އިވެންޓަކީވެސް ތަފާތު މަޖާ އިވެންޓަކަށް ވެގެން ދާނެ ކަަމަށެވެ. އަދި ދެ ދުވަހުގެ ފެސްޓިވަލް ތެރޭގައި ބައިވެރިންނަށް ލަކީ ޑްރޯއެއްގައި ބައިވެރިވުމާއި، ތަފާތު އެކި އިނާމުތައް ލިބުމުގެ ފުރުސަތުވެސް އޮންނާނެއެވެ.