ކޮންގްރެސް ޖަލްސާއަކީ ރެކޯޑެެއް؛ 13،000 ވުރެ ގިނަ މީހުން ބައިވެރިވި
ލިޔުންތެރިޔާ
އަހުމަދު ހަމީދު އާދަމް
މިރޭ އޮތް ކޮންގްރެސް ޕާޓީގެ ޖަލްސާއަކީ މިހާތަނަށް ރާއްޖޭގައި ބޭއްވުނު އެންމެ ބައިބޯ ސިޔާސީ ޖަލްސާ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ.
ކޮންގްރެސް ޕާޓީގެ ރައީސްގެ މަގާމުގައި ވެސް ހުންނެވި ރައީސް މުޢިއްޒު މިހެން ވިދާޅުވީ މިރޭ އާޓިފިޝަލް ބީޗް ސަރަހައްދުގައި އޮތް ޖަލްސާގައި ވާހަކަފުޅު ދައްކަވަމުންނެވެ. އެމަނިކުފާނު ވަނީ އެވަރުގެ ބިޔަ އެއްވުމެއް އިންތިޒާމު ކޮށްދެއްވީތީ ޝުކުރު އަދާކުރައްވާފަ އެވެ.
އަދި އެއްވުމުގެ ހުރިހާ ބައިވެރީންނަށް ޝުކުރު އަދާކުރެއްވި އެވެ. ރައީސް ވިދާޅުވި ގޮތުގައި އެެމަނިކުފާނު ވާހަކަފުޅު ދައްކަވަމުން ގެންދެވިއިރުވެސް އެ ތަނުގައި 13,000 ވުރެ ގިނަ ރައްޔިތުން ތިބި ކަމުގެ ޔަގީންކަން އެމަނިކުފާނަށް ވަނީ ލިބިވަޑައިގެންފަ އެވެ.
އަދި ވިދާޅުވީ އެއީ މިހާތަނަށް ރާއްޖޭގައި ބޭއްވުނު އެންމެ ބައިބޯ ސިޔާސީ ޖަލްސާ ކަމަށެވެ.
މިރޭގެ ޖަލްސާއަށް މާލެއާ އަތޮޅުތަކުން ވެސް ވަރަށް ގިނަަ އަދަދެއްގެ ބަޔަކު އައިސްފައިވާކަން ފާހަަގަ ކުރައްވާ އެ ހުރިހާ ރައްޔިތުންނަށް އެމަނިކުފާނު ޝުކުރުއަދާކުރެއްވި އެވެ.
ކޮންގްރެސް ޕާޓީގެ ހިނގަމުންދާ ވެރިކަމަށް މީގެ ތިން ދުވަސް ފަހުން ދެ އަހަރު ފުރޭނެ އެވެ. ދެ އަހަރު ފުރުމާއި ދިމާކޮށް މިރޭ ބޭއްވި ޖަލްސާއަށް އަތޮޅުތަކުން ވަރަށް ގިނަ ބަޔަކު ގެނެސްފައިވެ އެވެ. ބައެއް ރަށްރަށުން އެތައް ސަތޭކަ ބަޔަކު އައިސްފައިވެ އެވެ.
މިރޭގެ ޖަލްސާގައި ވާހަކަފުޅު ދައްކަވަމުން ރައީސް ވަނީ ސަރުކާރުގެ ބައެއް ސިޔާސަތުތަކާއި ގުޅޭގޮތުން ވާހަކަފުޅު ދައްކަވާފަ އެވެ. އަދި ސަރުކާރުން އަލަށް ފަށަން ހަމަޖެހިފައިވާ ބައެއް ކަންކަން އިއުލާނު ކުރެއްވި އެވެ. ދެ އަަހަރުގެ ބައެއް ކާމިޔާބީތައް ވެސް ހިއްސާކުރެއްވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
