އަންހެނުން ބާރުވެރިކުރުވުމަށް ޑަބްލިއުޑީސީގެ ދައުރު ވަރަށްބޮޑު: ސާޖިދާ
ލިޔުންތެރިޔާ
އަބްދުﷲ ހުސައިން
އަންހެނުން ބާރުވެރިކުރުވުމަށް އަންހެނުން ކޮމިޓީތައް ނުވަތަ ޑަބްލިއުޑީސީގެ ދައުރު ވަރަށް ބޮޑުކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވެއްޖެއެވެ.
މާލެސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާގެ މަޤާމަށް ވާދަކުރައްވާ ކޮންގްރެސް ޕާޓީގެ ކެނޑިޑޭޓް އާއިޝަތު އަލައިކާ އަދުނާނުގެ ކެމްޕެއިން އޮފީސް ހުޅުވުމަށް ބޭއްވި ހަފްލާގައި ވާހަކަދައްކަވަމުން މެޑަމް ސާޖިދާ ވިދާޅުވީ، އަންހެނުންނަށް ދިމާވާ ގޮންޖެހުންތަކާއި އެނޫންވެސް ކަންކަން ހައްލުކުރުމުގައި އަންހެނުންގެ ކޮމިޓީގެ މުހިންމުކަން ވަރަށް ބޮޑުކަމަށެވެ. ސާޖިދާ ވިދާޅުވީ، ރައްޔިތުންގެ އަންހެނުންގެ ކޮމިޓީއެއް އޮތުމުގެ އެންމެބޮޑު ސަބަބަކީވެސް އަންހެނުންނަށް ދިމާވާ އެކި ގޮންޖެހުންތައް ހައްލުކުރުން ކަމަަށެވެ.
އަންހެނުން ކޮމިޓީއާމެދު މީގެކުރިން ދެކެމުން އަންނަގޮތް ބަދަލުކުރަން ޖެހޭކަން ފާހަގަކުރައްވަމުން ސާޖިދާ ވިދާޅުވީ، މިފަދަ ކޮމިޓީއެއް އެކުލަވާލާއިރު، އެ ކޮމިޓީގެ އަންހެން ބޭފުޅުންނަކީ އެއީވެސް ބައެއް ނޫންކަމަށް ދެކޭދެކުން ބަދަލުކުރަންޖެހޭކަމަށެވެ.
ވަރަށް ގިނަ ބޭފުޅުން ހަމަ އަލައިކާވެސް މިއަދު ފާހަގަކުރައްވައިފި. މިއީ ކީއްކުރާ ކޮމިޓީއެއްހޭ މިތަނުން ކީއްހޭ ކުރާނީ؟ އެއްގޮތަކަށްވެސް މިގޮތަށް އަޅުގަނޑުމެން ވިސްނައިގެން ނުވާނެ. އެއީ އަންހެނުން އަންހެނުންނަށް ބާރުވެރިކުރުވޭނީވެސް އެއީ އެންމެ ފުރަތަމަ އަންހެން މީހާ އަންހެނަކު އެބަ ގަބޫލުކުރަން ޖެހޭ އަޅުގަނޑުމެން އަންހެނުން އެކަކު އަނެކަކަށް އެހީތެރިވާން ޖެހޭނެކަން. އެހެންވީމަ އަންހެނުން މިގޮތަށް ވާހަކަ ދައްކަން ފަށައިފިނަމަ ދެން އެއީ ވަރަށް ދެރަ ކަމެއް
މެޑަމް ސާޖިދާ މުހައްމަދު
މެޑަމް ސާޖިދާ ވިދާޅުވީ އެންމެ ގާތުން ރައްޔިތުންނާ ރައްޔިތުން ދިރިއުޅެމުންދާގޮތް ދެކޭނެ އަދި ފެންނާނެ ބޭފުޅުންނަކީ އަންހެނުން ކޮމިޓީގައި ހަރަކާތްތެރިވާ ބޭފުޅުންކަމަށެވެ.
އެގޮތުން މި ކޮމިޓީގައި ތިއްބަވާ ބޭފުޅުން ވާންޖެހޭނީ މިހޮވާ ފަރާތްތަކީ ސަރުކާރާ ގުޅުވާދޭ ބައެއްގެ ގޮތުގައި ކަމަށެވެ. އެގޮތުން ސަރުކާރާއެކު މަސައްކަތް ކުރެވޭނީ ޕީއެންސީގެ ކެނޑިޑޭޓުންނަށް ވޯޓުދީގެންކަން އެކަމަނާ ވަނީ ފާހަގަކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
