ކުކުޅު ބިހެއްގެ އަގު 2.50 ރުފިޔާއަށް، އެސްޓީއޯއިން އެއަށްވުރެ އަގުހެޔޮ
ލިޔުންތެރިޔާ
އަބްދުﷲ ހުސައިން
ބާޒާރުގެ ބައެއް ފިހާރަތަކުން ކުކުޅު ބިސް ލިބުން ދަތިވެ، މާލޭ ބާޒާރުގައި އަނެއްކާވެސް ކުކުޅު ބިހުގެ އަގު އުފުލިއްޖެއެވެ.
ބާޒާރުގެ ފިހާރަތަކަށް ބަލާއިރު، މިހާރު ގިނަ ތަންތަނުގައި ކުކުޅު ބިހެއްގެ އަގު ވަނީ 2.50 ރުފިޔާއަށް މައްޗަށް ގޮސްފައެވެ. ބާޒާރުގައި ކުކުޅު ބިހުގެ އަގު އުފުލިފައިވާއިރު، މިދިޔަ ހަފްތާގައި ހުޅުމާލޭގެ ބައެއް ފިހާރަތަކުގައި ވަކިން ބިހެއް 1.80 ރުފިޔާއަށް ވިއްކި ނަމަވެސް މިހާރު ބިހެއް ވިއްކަނީ 2.50 ރުފިޔާއަށެވެ.
ބާޒާރުގައި ބިހުގެ އަގު އުފުލި ވަކިން ބިހެއް 2.50 ރުފިޔާއަށް ވިއްކިނަމަވެސް އެސްޓީއޯ ސުޕަމާޓުން ބިސް ވިއްކަނީ އަގުޔޮކޮށެވެ. އެގޮތުން އެސްޓީއޯ ޕީޕަލްޗޮއިސް އިން ވަކިން ބިހެއް 2 ރުފިޔާއަށް ލިބެން ހުރިއިރު، އެސްޓީއޯއިން ބިސް ކޭހެއް ވިއްކަނީ
380 ރުފިޔާއަށެވެ.
ބައެއް ވިޔަފާރިވެރިންް ބުނީ ބާޒާރުގައި ބިހުގެ އަގު އުފުލިފައިވަނީ މޫސުން ގޯސްވުމާއެކު ސަޕްލައި ދަށްވުމުގެ ސަބަބުންކަމަށެވެ. ހޯލްސޭލް ކުރާ ބައެއް ތަންތަނުން ކުކުޅުބިސް ނުލިބޭއިރު، ދެން އެންމެ އަވަހަށްވެސް ބިސް ލިބޭނީ މާދަމާ ހަވީރުކަމަށް ހޯލްސޭލްކުރާ ބައެއް ފިހާރަތަކުން ބުނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
