ޔުއެފާގެ 54 ގައުމާއެކު 2026 ވަނަ އަހަރުގެ ވޯޑްކަޕް ކޮލިފައިން ގުރުލުން ބާއްވައިފި
2026 ވަނަ އަހަރު އެމެރިކާގެ އިތުރުން ކެނަޑާ އަދި މެކްސިކޯގައި ބޭއްވުމަށް ހަމަޖެހިފައިވާ ފީފާ ވޯލްޑްކަޕް ފުޓްބޯޅަ މުބާރާތުގެ ޔުއެފާ ކޮލިފައިންގެ ގުރުލުން މިއަދު ބާއްވައިފިއެވެ.
ތިން ގައުމެއް ގުޅިގެން ފުރަތަމަ ފަހަރަށް ބާއްވާ ވޯލްޑްކަޕްގެ އިތުރުން މިމުބާރާތަކީ 48 ގައުމު ބައިވެރިކޮށްގެން ބާއްވާ ފުރަތަމަ ވޯލްޑްކަޕެވެ. އަދި މިމުބާރާތުން ޔޫރަޕްގެ 16 ޓީމަށް ފުރުސަތު ލިބިގެންދާނެއެވެ.
2025 ވަނަ އަހަރުގެ މާޗު މަހުން ފެށިގެން ނޮވެންބަރު މަހުގެ ނިޔަލަށް ކުރިއަށްދާ ޔޫރަޕް ގައުމުތަކުގެ ކޮލިފައިންގައި ޖުމްލަ 54 ގައުމެއް ވާދަކުރާއިރު، ކޮލިފައިންގ ކުރިއަށް ގެންދިއުމަށް ހަމަޖެހިފައިވަނީ ކޮލިފައިންގައި ބައިވެރިވި 54 ގައުމު 12 ގުރޫޕަކަށް ބަހާލައިގެންނެވެ.
އެގޮތުން ފުރަތަމަ ހަ ގުރޫޕްގައި ހަތަރު ޓީމު ހިމެނޭއިރު، އަނެއް ހަ ގުރޫޕްގައި ހިމެނެނީ ފަސް ޓީމެވެ. އަދި ކޮންމެ ޓީމެއް ކޮންމެ ޓީމަކާއި ހޯމް އެންޑް އަވޭގެ އުސޫލުން ކުޅު ކޮންމެ ގުރޫޕަކުން ވެސް އެއްވަނަ ހޯދާ 12 ޓީމު ވޯޑްކަޕަށް ކޮލިފައިވާނެއެވެ.
މީގެ އިތުރުން ބާކީ އޮތް ހަތަރު ޖާގަ ލިބުގެންދާނީ ގުރޫޕްގެ ދެވަނަ ހޯދާ ޓީމުތަކުގެ އިތުރުން ކުރިއަށް އޮތް ޔުއެފާ ނެޝަނަލް ލީގުގައި އެންމެ ރަނގަޅު ނަތީޖާއެއް ހޯދާ ހަތަރު ޓީމާއެކު ޕްލޭ އޮފް މެޗުތަކެއްކުޅެ ކުރިހޯދާ ހަތަރު ޓީމަށެވެ.
ޔުއެފާ ވޯލްޑްކަޕް ކޮލިފައިން ގުރޫޕް ބެހިފައިވާގޮތް:
ގްރޫޕް އޭ
-ޔުއެފާ ނޭޝަންސް ލީގުގެ ކުއާޓާ ފައިނަލުގައި އިޓަލީ އާއި ޖަރުމަނު ވާދަކުރާ މެޗުން މޮޅުވާ ޓީމެއް
-ސްލޮވާކިއާ
-ނޮދަން އަޔަލޭންޑް
-ލަކްޒެމްބަރގް
ގްރޫޕް ބީ
-ސްވިޒަރލޭންޑް
-ސްވިޑެން
-ސްލޮވޭނިއާ
-ކޮސޯވޯ
ގްރޫޕް ސީ
-ޔުއެފާ ނޭޝަންސް ލީގުގެ ކުއާޓާ ފައިނަލުގައި ޕޯޗުގަލް އާއި ޑެންމާކް ވާދަކުރާ މެޗުން ބަލިވާ ޓީމެއް
-ގްރީސް
-ސްކޮޓްލެންޑް
-ބެލާރުސް
ގްރޫޕް ޑީ
ޔުއެފާ ނޭޝަންސް ލީގުގެ ކުއާޓާ ފައިނަލުގައި ފްރާންސް އާއި ކްރޮއޭޝިއާ ވާދަކުރާ މެޗުން މޮޅުވާ ޓީމެއް
-ޔޫކުރެއިން
-އައިސްލޭންޑް
-އަޒަރްބައިޖާން
ގްރޫޕް އީ
-ޔުއެފާ ނޭޝަންސް ލީގުގެ ކުއާޓާ ފައިނަލުގައި ސްޕެއިން އާއި ނެދަލޭންޑްސް ވާދަކުރާ މެޗުން މޮޅުވާ ޓީމެއް
-ތުރުކީ
-ޖޯޖިޔާ
-ބަލްގޭރިއާ
ގްރޫޕް އެފް
-ޔުއެފާ ނޭޝަންސް ލީގުގެ ކުއާޓާ ފައިނަލުގައި ޕޯޗުގަލް އާއި ޑެންމާކް ވާދަކުރާ މެޗުން މޮޅުވާ ޓީމެއް
-ހަންގޭރީ
-ރިޕަބްލިކް އޮފް އަޔަލޭންޑް
-އަރްމޭނިއާ
ގްރޫޕް ޖީ
-ޔުއެފާ ނޭޝަންސް ލީގުގެ ކުއާޓާ ފައިނަލުގައި ސްޕެއިން އާއި ނެދަލޭންޑްސް ވާދަކުރާ މެޗުން ބަލިވާ ޓީމެއް
-ޕޮލޭންޑް
-ފިންލޭންޑް
-ލިތުއޭނިއާ
-މޯލްޓާ
ގްރޫޕް އެޗް
-އޮސްޓްރިއާ
-ރޮމޭނިއާ
-ބޮސްނިއާ
-ސައިފްރަސް
-ސަންމެރިނޯ
ގްރޫޕް އައި
-ޔުއެފާ ނޭޝަންސް ލީގުގެ ކުއާޓާ ފައިނަލުގައި އިޓަލީ އާއި ޖަރުމަނު ވާދަކުރާ މެޗުން ބަލިވާ ޓީމެއް
-ނޯވޭ
-އިސްރާއީލް
-އެސްޓޯނިއާ
-މޯލްޑޯވް
ގްރޫޕް ޖޭ
-ބެލްޖިއަމް
-ވޭލްސް
-ނޯތު މެސެޑޯނިއާ
-ކަޒަކިސްތާން
-ލެޗެންސްޓައިން
ގްރޫޕް ކޭ
-އިންގްލެންޑް
-ސަބިއާ
-އަލްބޭނިއާ
-ލެޓްވިޔާ
-އެންޑޯރާ
ގްރޫޕް އެލް
-ޔުއެފާ ނޭޝަންސް ލީގުގެ ކުއާޓާ ފައިނަލުގައި ފްރާންސް އާއި ކްރޮއޭޝިއާ ވާދަކުރާ މެޗުން ބަލިވާ ޓީމެއް
-ޗެކްޔާ
-މޮންޓެނެގްރޯ
-ފެރޮއެ އައިލެންޑްސް
-ޖިބްރޯލްޓާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
