އަލިފާނުގެ ހާދިސާ: 9 އިމާރާތެއް ޖެހުނީ ތަޅާލަން!
މިމަހުގައި މާލޭގައި ހިނގި ނުރައްކާތެރި އަލިފާނުގެ ހާދިސާއާ ގުޅިގެން އާންމު ރައްކާތެރި ކަމަށްޓަކައި ނުވަ އިމާރާތެއް ތަޅާލާފައިވާ ކަމަށް ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީން(އެންޑީއެމްއޭ) ބުނެފިއެވެ.
މާލޭގައި ހިނގި އަލިފާނުގެ ހާދިސާގައި އެކަކު މަރުވެ، ގިނަ ގެއްލުންތަކެއް ލިބުނެވެ. އެގޮތުން 400އަށްވުރެ ގިނަ މީހުން ދިރިއުޅެމުން އައި ތަންތަނަށް ގެއްލުންތައް ލިބި، ގިނަ ބަޔަކު ވަގުތީ ހިޔާތަކަށްވެސް ބަދަލު ކުރަން ޖެހުނެވެ.
އެންޑީއެމްއޭއިން މިއަދު ބުނީ ސެޕްޓެމްބަރުމަހުގެ 20 ވަނަ ދުވަހުގެ ރޭ ހ.ތިލަފުށީގޭގައި ހުރި ގުދަނެއްގައި ރޯވެގެން ހިނގި ނުރައްކާތެރި އަލިފާނުގެ ހާދިސާއާ ގުޅިގެން ނުވަ އިމާރާތެއް ތަޅާލާފައިވާ ކަމަށާއި، އޭގެ ތެރެެއިން ހަ އިމާރާތެއްގައި ގުދަން ހިމެނޭ ކަމަށެވެ.
އަލިފާނުގެ ހާދިސާއާ ގުޅިގެން އާންމު ރައްކާތެރި ކަމަށް ތަޅާލި އިމާރާތްތަކަކީ
1 ހ.ތިލަފުށި(ގުދަން)
2 ހ.މާޓިން(ގުދަން)
3 ހ.އަހްމީން(ގުދަން)
4 ހ.ކަޅުހުރާގެ(ގުދަން)
5 ހ.ކަޅުހުރާއާގެ(ގުދަން)
6 ހ.އަލްހުރާ(ގުދަން)
7 ހ.ކިޔެވް
8 ހ.ނެއިބަރ
9 ހ.ނިގާރަން
އެންޑީއެމްއޭއިން ބުނީ އަލިފާނުގެ ހާދިސާއާ ގުޅިގެން ހަ ގެއަކަށް މީހުން ދިރިނޫޅެވޭވަރުގެ ގެއްލުންތައް ލިބިފައިވާ ކަމަށެވެ. އެގަތަކަކީ ހ.އިވާއު، ހ.ރަދުވާނިއާގެ، ހ.އީރާނުގެ،
އެންޑީއެމްއޭއިން ބުނީ އަލިފާނުގެ ހާދިސާއާ ގުޅިގެން މީހުން ދިރިއުޅުމަށް ރައްކާތެރި، އެހެންނަމަވެސް ބައެއް މަރާމާތުތައް ކުރަންޖެހޭ އިމާރާތްތަކެއްވެސް އެބަހުރި ކަމަށެވެ. އެގޮތުން ހެންވޭރުގެ ފަސްގެއެއް މަރާމާތު ކުރަންޖެހެއެވެ. އެގެތަކަކީ އަދޫ، ނިޝާން ޕްލާޒާ، ކީލް، އިމޯޝަން އަދި ގަސްވާއެވެ.
ޑިޒާސްޓަރ މެނޭޖްމެންޓް އޮތޯރިޓީން ބުނީ ވަގުތީ ހިޔާތަކަށް ބަދަލުވި ބައެއް ގެތަކަށް މީހުން އެނބުރި އައިސް މިހާރު ދިރިއުޅެން ފަށާފައިވާ ކަމަށެވެ. އެގޮތުން މިހާރު ދިރިއުޅެވޭނެ ކަމަށް ކަނޑައަޅާފައިވާ އިމާރާތްތަކަކީ ހެންވޭރުގެ ރަސްމާ، ރަސްމާދޫގެ، ގަދަގެ، ގަދަގޭ ހުޅަނގުބައި، ހޮޅިކޮށީގެ، ހޮޅިކޮށީއާގެ، ފެހިއާބާދުގެ، ގަޒްވިން ކެފޭ، ކިނޮޅަސްގެ ސޯފާގެ އަދި ޖީމާގެއެވެ.
ޑިޒާސްޓަރ މެނޭޖްމެންޓް އޮތޯރިޓީން ބުނީ އަލިފާނުގެ ހާދިސާއާ ގުޅިގެން، ގެއްލުން ލިބުނު އިމާރާތްތަކަށް ލިބުނު ގެއްލުމުގެ 20 އިންސައްތަ ހަރަދު ސަރުކާރުން ފޯރުކޮށްދޭނެ ކަަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
