ޗެއަރމަން ޖާބިރު ކާށިދޫއަށް ޓީވީ ޗެނަލެއް ހައްދަވަނީ
ކާށިދޫ ދާއިރާގެ އިންތިޚާބީ މެންބަރ އަދި ޔޮޓް ޓުއާސްގެ ޗެއަރމަން އަބްދުﷲ ޖާބިރު، ޓީވީ ޗެނަލެއް ހައްދަވާނެކަން އިއުލާންކުރައްވައިފިއެވެ.
ޖާބިރު މިހެން ވިދާޅުވީ ޕީއެސްއެމް ނިއުސަށް ދެއްވި ޚާއްސަ ބަސްދީގަތުމެއްގައެވެ.
އެބޭފުޅާ ވިދާޅުވީ އަމިއްލަ ޓީވީ ޗެނަލެއް ހެއްދެވުމަށް ނިންމަވާފައިވާ ކަމަށެވެ. އެގޮތުން އެ ޓީވީ ޗެނަލްގެ ޒަރިއްޔާއިން ކާށިދޫ އަށް އޭނާ ގެންގުޅުއްވާ ތަރައްގީގެ ތަސައްވަރުގެ މަސައްކަތްތައް ދާގޮތް ރައްޔިތުންނާއި ހަމައަށް ގެނެސްދެއްވާނެކަމަށް ޖާބިރު ވިދާޅުވިއެވެ.
"ވަޑައިގަންނަވާށޭ ބަލަން، ޖާބިރުގެ ޓީވީ ޗެނަލް މިތާ ހަދާނަމޭ. އެ ޓީވީ ޗެނަލުން ދާނީ ބްރީފް ކުރަމުންނޭ ރައްޔިތުންނަށް. ކޮންސަލްޓަންޓުން މަސައްކަތް ކުރަމުންނޭ ދަނީ" އެބޭފުޅާ ވިދާޅުވިއެވެ.
ޖާބިރު އަބަދުވެސް ފާހަގަކުރެވިފައިވަނީ މީޑިޔާގެ ވަސީލަތްތަކާއި ގާތް ބޭފުޅެއްގެ ގޮތުގައެވެ. އެގޮތުން ޖާބިރަކީ ނޫސްތަަކަށް ވަރަށް ގިނައިން އިންޓަރވިއު ދެއްވައި، ޓީވީ ޕްރޮގްރާމްތަކުގައި ބައިވެރިވެ ވަޑައިގަންނަވާ ބޭފުޅެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
