ފަސޭހައިން ޤާނޫނުއަސާސީ އިސްލާހު ނުކުރެވޭނެ ގޮތެއް ހަދަންޖެހޭ: ޤާސިމް
ލިޔުންތެރިޔާ
ޚަދީޖާ އަރުފާ
ފަސޭހައިން ޤާނޫނުއަސާސީ އިސްލާހު ނުކުރެވޭނެ ގޮތެއް ހެދުމަކީ މުހިިންމު ކަމެއްކަމަށް މާމިގިލީ ދާއިރާގެ މެންބަރު ޤާސިމް އިބްރާހިމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން، ޤާސިމް ވިދާޅުވީ، ރާއްޖޭގައި މިހާރު އަމަލު ކިރެވެމުންދާ ޤާނޫނުއަސާސީއަށް މިއަދު 16 އަހަރު ފުރޭއިރު. އެ ގާނުނު އަސާސީ އެކުލަވައިލެވުނު ފަހުން ދެ ފަގަރެއްގެ މަތީން ގާނުނު އިސްލާހުކުރެވިފައިވާ ކަމަށެވެ.
އަދި އެކަން ކޮށްފައިވަނީ ވަރަށް ފަސޭހަކަމާއެކުކަން ފާހަގަކުރައްވައި އޭނާވަނީ ކުރިން އެހާ ފަސޭހައިން ޤާނޫނުއަސާސީ ބަދަލުނުކުރެވޭ ކަމަށް ވިދާޅުވެފައެވެ.
“އެކަމަކު އެދުވަސްވަރު ޤާނޫނުއަސާސި ނިމިގެންދިޔައިރު އޮންނަނީ އެހާ ފަސޭހައިން ޤާނޫނުއަސާސީއަށް ބަދަލުގެނެވޭ ގޮތަކަށް ނޫން. ޤާނޫނަކަށް ބަދަލު ގެނެވޭގޮތަށް ޤާނޫނުއަސާސީއަށް ނުކުޅެވޭގޮތަށް އޭރު އޮންނަނީ. ރައްޔިތުންގެ ޚާއްސަ މަޖިލިސް އެއްކޮށްގެން އެކަން ކުރެވެނީ.”
މާމިގިލީ ދާއިރާގެ މެންބަރު ޤާސިމް އިބްރާހިމް
ޤާސިމް ވިދާޅުވީ މަޖިލީހުގެ 75 އިންސައްތަ ވޯޓުން ޤާނޫނުއަސާސީ އިސްލާހުކުރެވޭ ގޮތަށް އޮންނަނަމަ އޭގެން ނުރަނގަޅު ނަތީޖާއެއް ނުކުމެދާނެ ކަމަށެވެ.
“ޤާނޫނުއަސާސީ އިސްލާހު ކުރުމަށްޓަކައި މިރައްޔިތުންގެ މަޖިލީހަށް މިހާރު ލިބިފައިވާ ހުރިހާ ބާރުތަކެއް، އެގޮތަށް އޮތުމުގެ ބަދަލުގައި ކޮންމެވެސް މެކޭނިޒަމެއް އެބަލާންޖެހޭ އެހާފަސޭހައިން އެކަން ނުކުރެވޭނެ މެނޭނިޒަމެއް.”
މާމިގިލީ ދާއިރާގެ މެންބަރު ޤާސިމް އިބްރާހިމް
އެހާ ފަސޭހައިން ޤާނޫނުއަސާސީއަށް އިސްލާހު ނުގެނެވޭނެ ގޮތަށް ހަދަންޖެހެނީ، ބަޔަކަށް މަޖިލީހުގެ މެޖޯރިޓީ ލިބި، ޤާނޫނުއަސާސީގައިވާ އަސާސީ ހައްޤުތަަކަށް ނުވަތަ އެހެންވެސް މުހިންމު މާއްދާތަަކަށް ބަދަލެއް ގެނެސްފާނެތީކަމަށް ޤާސިމް ވިދާޅުވިއެވެ. އެގޮތުން ރާއްޖޭގެ ދީނަކީ އިސްލާމްދީން ކަން ކަނޑައަޅާފައިވާ މާއްދާ ފަދަ މާއްދާއަށް ބަދަލެއް ގެނައުމުގެ ފުރުސަތު އޮތްކަން އޭނާ ފާހަަގަ ކުރެއްވއިެވެ.
މިހާރު އަމަލުކުރަމުންދާ ޤާނޫނުއަސާސީ އެކުލަވައިލުމުގެ މަސައްކަތް ރައްޔިތުންގެ ޚާއްސަ މަޖިލީހުން ފެށީ 2004 ވަނަ އަހަރުއެވެ. އެ މަސައްކަތް ނިންމާލުމަށްފަހު، އެ ޤާނޫނުއަސާސީ ތަސްދީޤުކޮށްފައިވަނީ 7 އޯގަސްޓް 2008ގައެވެ. އެ މަސައްކަތް ކުރެވުނު އިރު ޚާއްސަ މަޖިލީހުގެ ރިޔާސަތު ބެލެހެއްޓެވީ ގާސިމެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
