ކޭޝް ފްލޯ ރަނގަޅުކުރުމަށް އެޗްޑީސީ އަށް 94 މިލިއަން ރުފިޔާގެ ލޯނެއް ދީފި
ލިޔުންތެރިޔާ
ޝަފްރާޒް އަހްމަދު
އެޗްޑީސީގެ މާލީ ހާލަތު އާދަޔާ ހިލާފަށް ދަށްވެފައިވާ ކަމުގެ ހަބަރުތައް ފެތުރިފައި ވަނިކޮށް ފިނޭންސް މިނިސްޓްރީއިން އެ ކުންފުންޏަށް 94 މިލިއަން ރުފިޔާގެ ލޯނެއް ދީފިއެވެ.
މައުލޫމާތު ލިބޭ ގޮތުގައި ފިނޭންސް މިނިސްޓްރީއިން މިހާ ބޮޑު އަދަދެއްގެ ފައިސާ އެޗްޑީސީއަށް ލޯނުގެ ގޮތުގައި ދީފައިވަނީ އެ ކުންފުނީގެ ކޭޝް ފުލޯ ދަށްވެގެން އެކަމަށް ލުޔެއް ހޯދުމަށް އެޗްޑީސީއިން މިނިސްޓްރީގައި އެދުމުން ނިމިދިޔަ ހަފްތާގެ ތެރޭގައެވެ.
ސަރުކާރުގެ ކުންފުނިތަކުގެ މާލީ ހާލަތު ދައްވުމުގެ ސަބަބުން އެކަން ހައްލުކުރުމަށް މިނިސްޓްރީ އޮފް ފިނޭންސްއިން އަބަދުވެސް އެފަދަ ކުންފުނިތަކަށް ލޯނުގެ އެހީދެއެވެ.
އެޗްޑީސީގެ މާލީ ހާލަތު ދަށްވެފައިވާ ވާހަކަތައް ދެކެވެމުން އަންނަ އިރު ރައީސް ޔާމީންގެ ކެމްޕޭނަށް ގާނޫނާ ހިލާފަށް ފައިސާ ހަރަދު ކޮށްފައިވާ ވާކަމުގެ މައްސަލައެއް މިހާރުވެސް އޮޑިޓާ ޖެނެރަލުގެ އޮފީހުން ދަނީ ބަލަމުންނެވެ. އަދި ވަރަށް ހެޔޮ އަގެއްގައި ހުޅުމާލެ ފޭސް ދޭކުން 400 ގޯތި ވިއްކަން ހުޅުވާލުމުގެ އެއްބޭނުމަކީ އެޗްޑިސީގެ ކޭޝް ފުލޯ ރަނގަޅު ކުރުންކަމަށްވެސް މިނިސްޓަރ މުއިއްޒުވަނީ ވިދާޅުވެފައެވެ.
އޭގެ އިތުރުން ވެސް އެޗްޑީސީގެ މައްޗައް ކުރެވޭ ބޮޑެތި ކޮރަޕްޝަންގެ ތުހުމަތުތަކާއެކު އޭސީސީއިން ވަނީ ހާއްސަ ތަހިޤީގެއް ވެސް ފަށާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
