ނިލަންދޫ އަތުން ނިއު ހަނި ގޮތަކަށް މޮޅުވިއިރު ގްރީން ސްޓްރީޓްސް އަތުން ވިކްޓްރީ ބަލިވެއްޖެ
ލިޔުންތެރިޔާ
ޝަފްރާޒް އަހްމަދު
ލިބުނު ޕެނަލްޓީއަކުން ޖެހި ހަމައެކަނި ލަނޑާއެކު ނިއުރޭޑިއަންޓް ފ. ނިލަންދޫ ބަލިކޮށް ތާވަލުގެ ދެވަނައަށް ޖެހިލައިފިއެވެ.
މެޗުގައި ދެ ޓީމުގެ ފަރާތުންވެސް ރަނގަޅު ކުޅުމެއް ފެނިގެން ދިޔައެވެ.
މެޗައްފަހު ވާހަކަ ދައްކަމުން ނިއުރޭޑިއަންޓުގެ ކޯޗު ސޮބާ ބުނެފައިވަނީ 3 ޕޮއިންޓު ކަށަވަރު ކުރެވުމުން ހިތްހަމަޖެހޭ ކަމަށެވެ. މެޗުގައި ނިއުރޭޑިއަންޓުގެ ފަރާތުން އެންމެ ލަނޑެއް ފެނުނު ކަމުގައި ވިޔަސް ލަނޑު ޖަހަން ގިނަ ފުރުސަތު ތަކެއް ލިބުނު ކަންވެސް ސޮބާ ފާހަގަ ކޮށްފައިވެއެވެ.
ނިލަންދޫ ކޯޗު ލައްޗޭ ބުނެފައިވަނީ މެޗުން މޮޅުނުވި ނަމަވެސް ވަރުގަދަ ޓީމަކާއި ދެކޮޅަށް ރަނގަޅު ކުޅުމެއް ނިލަންދޫ ޓީމުގެ ފަރާތުން ފެނިފައިވާ ކަމަށެވެ.
ދިވެހި ލީގުގައި ދެން ކުޅެވުނު މެޗުގައި ގްރީން ސްޓްރީޓްސް ވަނީ 4 ލަނޑު 1 ލަނޑުން ވިކްޓްރީ ބަލިކޮށްފައެވެ.
ގްރީން ސްޓްރީޓްސްގެ ރޮލާންޑް ރަސެލް މި މެޗުގައި ހެޓްރިކް ހެދިއިރު ގްރީން ސްޓްރީޓްސްގެ އަނެއް ލަނޑު ޖަހައިދިނީ މުހައްމަދު ޝައްފާޒެވެ.
ވިކްޓްރީގެ ފަރާތުން ފެނުނު ހަމައެކަނި ލަނޑު އެޓީމަށް ޖަހައިދިނީ އަހުމަދު ރަޝީދެވެ.
މި މޮޅާއެކު ގްރީން ސްޓްރީޓްސް ވަނީ ތާވަލުގެ ހަތަރު ވަނައަށް ޖެހިލާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
