ލޭންޑިން ކްރާފުޓް ބަންޑުން ޖަހާލި ހާދިސާގައި ނިޔާވީ ސިފައިންގެ މީހެއް
ލިޔުންތެރިޔާ
އަބްދުﷲ ހުސައިން
ކާށިދޫ ކަނޑަށް މިއަދު ލޭންޑިން ކްރާފްޓެއް ބަންޑުން ޖަހާލި ހާދިސާގައި ނިޔާވެފައިވަނީ ސިފައިންގެ މީހެއްކަމަށް މައުލޫމާތު ލިބިއްޖެއެވެ.
ސިވެކްގެ ލޭންޑިން ކްރާފުޓް "އެލްސީ 308" އިން 5 މީހަކު ދަތުރުކުރިއެވެ. އެ އުޅަނދު ބަންޑުން ޖަހާލާފައިވަނީ 13:30 ހާއިރުއެވެ. މި ހާދިސާގައި ނިޔާވެފައިވަނީ، ގެއްލިގެން ހޯދަމުންދިޔަ ސިފައިންގެ ވޮރަންޓް އޮފިސަރު އަލީ ހާމިދެވެ.
އޭނާ ހޮސްޕިޓަލަށް ގެންދިޔައިރުވެސް އޮތީ މަރުވެފައިކަމަށް މައުލޫމާތު ލިބެއެވެ.
ދައުލަތުގެ މީޑިއާއަށް މައުލޫމާތު ދެއްވަމުން ޅ އަތޮޅު ހޮސްޕިޓަލުން ބުނެފައިވަނީ، 5 މީހަކަށް ފަރުވާދިނުމަށް ހޮސްޕިޓަލަށް ގެނައިކަމަށާއި، އޭގެ ތެރެއިން މިހާރު 4 މީހަކަށް ފަރުވާދެމުން އަންނަ ކަމަށެވެ.
ހޮސްޕިޓަލަށް ގެންދިޔަ މީހުންގެ ތެރޭގައި ހިމެނެނީ 3 ދިވެއްސަކާއި 2 ބިދޭސީއެކެވެ. ސިވެކްގެ ލޭންޑިން ކްރާފުޓް "އެލްސީ 308" ބަންޑުން ޖަހާލީ ކީއްވެގެންކަމެއް އަދި ސާފެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
