ސްޓެލްކޯގެ އެމްޑީ ކަމުން ފަހުމީ ވަކިކޮށް، ޝަމާހު އައްޔަންކޮށްފި
ލިޔުންތެރިޔާ
އަހުމަދު ހަމީދު އާދަމް
ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވަކިކޮށް، ހުސައިން ޝަމާހް ރަޝީދު އައްޔަންކޮށްފި އެވެ.
ސަމާހް އަކީ މިފްކޯގެ ކުރީގެ ސީއީއޯ އެވެ. ކުންފުނިތަކުގެ ބެލެނިވެރި ފަރާތްކަމަށްވާ ޕްރައިވެޓައިޒޭޝަން އެންޑް ކޯޕަރޭޓައިޒޭޝަން ބޯޑް (ޕީސީބީ) އިން ބުނީ ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވަކިކޮށް، ހުސައިން ޝަމާހް ރަޝީދު އައްޔަންކޮށްފައިވާ ކަމަށެވެ.
އިތުރު ތަަފްސީލެއް ނުދެ އެވެ. ސްޓެލްކޯގެ އެމްޑީގެ މަގާމުން ފަހްމީ ވަކިކުރެއްވީ އެ މަގާމަށް އެހެން ބޭފުޅަކު ހަމަޖައްސަވަން ނިންމާފައިވާ ކަމަށް ވާާހަކަ ދެކެވޭ އެތައް ދުވަހެއް ފަހުންނެވެ.
މި ބަދަލު ގެންނެވިއިރު މާލެއާ ހުޅުމާލެ އިން ކަރަންޓް ކެނޑޭ މައްސަލަ ވަނީ ބޮޑުވެފަ އެވެ. ޚާއްސަކޮށް މި އަހަރުގެ ޖޫން މަހުގެ ފުރަތަމަ ދުވަހު މުޅި މާލެއާ ހުޅުމާލެ އިން ކަރަންަޓް ކެނޑުނު މައްސަލަ ހިމެނެ އެވެ. އެ މައްސަލައާ ގުޅިގެން މިނިވަން ތަހުގީގެއް ހިންގާ އެކަމުގަައި އިހްމާލެއް އޮތްތޯ ބެލުމަށް ރައީސް ވަނީ ކަމާބެހޭ އިދާރާތަކަށް އަންގަވާފަ އެެވެ.
ސްޓެލްކޯގެ އެމްޑީގެ މަގާމަށް އައްުޔަނު ކުރެއްވި ޝަމާހް އަކީ މިފްކޯގެ ސީއީއޯގެ މަގާމުގައި ހުންނަވަނިކޮށް މެއި 21, 2024 ގައި ވަކިކުރައްވާފައިވާ ބޭފުޅެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
