ކ.އަތޮޅުން ފެށިގެން އައްޑޫސިޓީއަށް މޫސުން ގޯސް
ލިޔުންތެރިޔާ
އަބްދުﷲ ހުސައިން
ކ.އަތޮޅުން ފެށިގެން އައްޑޫޖސިޓީއާ ހަމަޔަށް މޫސުން ގޯސްވާނޭކަމަށް ލަފާކޮށް ހުދު ސަމާލް ނެރެފިއެވެ.
މޫސުމާ ބެހޭ ޤައުމީ އިދާރާއިން ހުދު ސަމާލް ނެރެފައިވަނީ، ހެނދުނު 08:45 ކުން ފެށިގެން މެންދުރުފަހު 14:30 ގެ ނިޔަލަށެވެ. މެޓް އޮފީހުން ބުނެފައިވަނީ ހުދު ސަމާލް ނެރެފައިވާ ވަގުތުތަކުގައި ބޯކޮށް ވާރޭވެހި ގަޑިއަކު 22 މޭލާއި 27 މޭލާ ދެމެދު ބާރުމިނުގައި ވައިޖެހޭނޭ ކަމަށެވެ. އަދި ވިލާގަނޑުގައި 45 މޭލަށް ވައި ގަދަވާނޭކަމަށްވެސް ވަނީ ލަފާކޮށްފައެވެ. އެގޮތުން ވިލާގަނޑުގައި ގަދަވާ ވަގުތުތަކުގައި ކަނޑު ގަދަވާނެއެވެ.
ހިނގަމުން މިދަނީ ހުޅަނގު މޫސުމުގެ 15 ވަނަ ނަކަތް ކަމަށްވާ ހެއި ނަކަތެވެ. ނަކަތްތެރިން ބުނާގޮތުންނަމަ މިއީ ވައި އެނބުރޭ ނަކަތެކެވެ. މި ނަކަތުގައި ވައިބާރުވެފައި އެކިފަހަރު ވައި ޖެހޭނީ އެކި ދިމާއިންނެވެ. އެކަމަކު ޢާންމުކޮށް ވައި ހުންނާނީ ހުޅަނގުގައެވެ. ވައިގެ ބާރުމިން ހުންނާނީ އެވްރެޖްކޮށް ގަޑިއަކު 22.22 ކިލޯމީޓަރު ބާރުމިނުގައެވެ.
މިދުވަސްވަރަކީ މޫސުން ގޯސް ދުަވަސްވަރެއްކަމުން ކަނޑުމައްޗަށް އެރުމުގެ ކުރިން މޫސުމާ ބެހޭ އެންމެ ފަހުގެ މައުލޫމާތު ހޯދުމަށް ކަމާބެހޭ އިދާރާތަކުން ވަނީ އިލްތިމާސްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
