އަދީބު ހައްޔަރު ކުރީ ގާނޫނާ ހިލާފަށް- ވަކީލުން
ފުލުހުންގެ ބެލުމުގެ ދަށަށް ކުރީގެ ނައިބު ރައީސް އަހްމަދު އަދީބު އަބްދުލްޣަފޫރު ގެންދިޔައީ ގާނޫނާ ހިލާފަށް ކަމަށް އޭނާގެ ވަކީލުންގެ ޓީމުން ތުހުމަތުކޮށްފިއެވެ.
އަދީބުގެ އިންޓަރނޭޝަނަލް ލޯޔަރުންގެ ޓީމުން ބުނީ އޭނާ ރާއްޖެ ގެންނަނީ ގާނޫނާ ހިލާފަށް ކަމަށާ، އޭނާ ހައްޔަރު ކޮށް އެމައްސަލަ ޖެނީވާގައި ހުންނަ އދގެ ވޯކިން ގްރޫޕް އޮން އާބިޓްރަރީ ޑިޓޓެންޝަންއަށް ހުށަހަޅާނެ ކަމަށެވެ.
އަދީބުގެ ލީގަލް ޓީމުން ނެރުނު ބަޔާނުގައި ވަނީ، އޭނާގެ އިންސާނީ ހައްގުތައް ރައްކާތެރިކޮށްދިނުމަށް އދގެ އިންސާނީ ހައްގުތަކާ ބެހޭ ހައި ކޮމިޝަނުގެ ކިބައިން އެދޭ ކަމަށްވެސް ބުނެފައެވެ. އަދި ރާއްޖޭގެ ފުލުހުން އަދީބާމެދު އިހާނެތި ކަންތައް ކޮށްފާނެތީ، އިންޑިއާގެ ހިމާޔަތަށް އެދިވަޑައިގެންފައިވަނިކޮށް، އިންޑިއާގެ ކަމާބެހޭ ފަރާތްތަކުން، އޭނާ ރާއްޖޭގެ ފުލުހުންނާ ހަވާލު ކުރާތީ އެކަމާ ގުޅިގެންވެސް ކަންބޮޑުވުން ފާޅުކޮށްފައިވެއެވެ.
އަދި އިންޑިއާއިން އަދީބު ހައްޔަރުކޮށްފައިވަނީ އެގައުމުގެ ކަނޑުން ނޫން ކަމަށާ، އިންޓަނޭޝަނަލް ވޯޓާސް އެއްވެސް ގައުމަކަށް ނިސްބަތް ނުވާ ކަނޑުގެ ސަރަހައްދަކުން ކަމަށް ބުނނެފައިވާތީ އެކަން ގަބޫލު ނުކުރެވޭ ކަމަށް ވަކީލުންގެ ޓީމުން ނެރުނު ބަޔާނުގައި ވަނީ ބުނެފައެވެ.
އަދީބު ފުލުހުންގެ އިދާރާއަށް ހާޒިރުވާން އަންގާފައިވަނިކޮށް، އިންޑިއާއިން ހިލަ ބަރުކޮށްގެން ރާއްޖެ އަންނަ "ވާގޯ9" ކިޔާ ޓަގު ބޯޓެއްގައި އިންޑިއާގެ ޓަމިލް-ނާޑޫގެ ޓުޓިކޮރިން ބަނދަރުން އެގައުމަށް ވަޑައިގެންފައިވަނީ އެ ބޯޓުގެ ފަޅުވެރިއެއްގެ ގޮތުގައެވެ. އ
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
