ރިޝްވަތު ހުއްޓުވުމަށް ފުލުހުންގެ އެހީތެރިކަމަށް އޭސީސީން އެދިއްޖެ
އަންނަ ހޮނިހުރު ދުވަހުގަ ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބާ ގުޅިގެން އެކި ފަރާތްތަކަށް ރިޝްވަތުގެ ގޮތުގައި ފައިސާ ހުށަހަޅަމުންދާކަމުގެ މައުލޫމާތު ލިބެމުން އަންނަ ކަމަށް އެެންޓިކޮރަޕްޝަން ކޮމިޝަން (އޭސީސީ) އިން ބުނެފިއެވެ.
އެކަމާއި ގުޅިގެން އޭސީސީން ވަނީ އިންތިޚާބުތަކާއި ބެހޭ އާންމު ގާނޫނުގައި ބަޔާން ކޮށްފައިވާ ފަދަ ރިޝްވަތަކަށް ވާ ފަރުދަކު އެއްވެސް ކަމެއް ނުކުރުމަށް އެކޮމިޝަނުން ވަނީ އިލްތިމާސްކޮށްފައެވެ.
އަދި ރިޝްވަތަކަށް ވާގޮތަކަށް އެއްވެސް ފައިސާއެއް ނުވަތަ އެއްޗެއް އެއްވެސް ފަރާތަކަށް ހުށަހަޅައިފިނަމަ، އެފަދަ ހުށަހެޅުމެއްގެ މައުލޫމާތު އެ ކޮމިޝަނަށް ފޯރުކޮށްދިނުމަކީ އިންތިޚާބުތަކާއި ގުޅިގެން ހުށަހަޅާ ކޮރަަޕްޝަންގެ އަަމަލުތައް ހުއްޓުވުމަށް ފަރުދީ ފެންވަރުގައި ކުރެވޭނެ އެންމެ މުހިންމު ކަންތައްތައް ކަމަށްވެސް އޭސީސީން ބުނެފައިވެއެވެ.
އަދި އިންތިޚާބުގައި ވާދަކުރާ ކެނޑިޑޭޓުން ނުވަތަ އިންތިޚާބަށް ކެމްޕޭން ކުރަމުންދާ ފަރާތްތަކުން އިންތިޚާބީ ދާއިރާއެއްގެ ވޯޓަށް އަސަރުުުކުރާނެ ފަދަ ގޮތަކަށް ކޮރަޕްޝަންގެ އަމަލެއްގެ މައުލޫމާތު ލިބިއްޖެނަމަ އެކަން ލަސްނުކޮށް އެ ކޮމިޝަނަށް ހުށަހެޅުމަށްވެސް އެކޮމިޝަނުން ވަނީ އެދިފައެވެ.
އިންތިޚާބުގެ ކަންކަމާއި ގުޅިގެން ހިނގާފާނެ ކޮރަޕްޝަންގެ އަމަލުތަކަށް ފާރަވެރިވުމަށް ރައްޔިތުން ހޭލުންތެރިކުރުވުމަށް އެކޮމިޝަނުން ފުޅާ ދާއިރާއެއްގައި މަސައްކަތް ކުރަމުން އަންނަ ކަމަށާއި،އަދި އިންތިޚާބައި ގުޅޭ ރިޝްވަތުގެ މައްސަލަތައް ހުއްޓުވުމަށާއި އެކަންކަމަށް ފާރަވެރިވެ، އެފަދަ އަމަލުތައް ވިޔަ ނުދިނުމަށް ފުލުހުންގެ އެހީތެރިކަމަށް އެދިފައިވާ ކަމަށް އޭސީސީން ވަނީ އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
